Ramón Lojo Aller, maxistrado-xuíz do Xulgado do Penal número un dos de Santiago de Compostela e o seu partido, fago saber:

Que na executoria 208/1993, seguida por delito de contrabando contra Clara Eugenia Ordás Álvarez e outro, se acordou sacar a pública poxa, por primeira, segunda e terceira vez e polo termo de vinte días, o vehículo propiedade da penada, marca Citroen, furgoneta mixta, modelo C-15 D, matrícula LE-5771-P, cunha antigüidade do ano 1989, en bo estado de funcionamento e valorada pericialmente en 325.000 pesetas. Para o acto da poxa sinálase o vindeiro día dous de setembro, ás dez horas da mañá, e os días trinta de setembro e vinteoito de outubro, ás dez horas, para o suposto de que non houbese ofertantes, respectivamente na primeira e segunda poxas.

Prevéñense os licitadores:

1. Que servirá de tipo para a primeira poxa o prezo da taxación de 325.000 ptas., as 2/3 partes deste para a segunda e a terceira, se é o caso, celebrarase sen suxeición a tipo.

2. O remate non poderá facerse en calidade de cederllo a un terceiro.

3. Para tomar parte na poxa, deberán consignar na mesa do xulgado o 20% do tipo polo que sae a poxa, e en tódalas poxas, desde o anuncio ata a súa celebración, poderán facerse ofertas por escrito en prego pechado, acompañando resgardo de ter depositada a consignación no BBV, oficina principal de Santiago de Compostela, número de conta: 66.000-4, clave 1585, concepto 78, executoria 208/1993.

4. O vehículo e a documentación deste atópanse en poder da súa propietaria Clara Eugenia Ordás

Álvarez, con domicilio na rúa Alfonso de la Cerda 1, 4º F- León.

Dado en Santiago de Compostela, o dez de xuño de mil novecentos noventa e seis.

Maxistrado-xuíz

Rubricado

O secretario

Rubricado

4228