Por Orde do 7 de febreiro de 1996 (DOG do 6 de marzo de 1996) convocáronse axudas para a realización de actividades de formación empresarial dos alumnos que rematan estudios de formación profesional regrada ou de educación secundaria obrigatoria, da Comunidade Autónoma.

Vista a proposta da comisión de selección prevista no artigo sexto da devandita orde,

RESOLVO:

Primeiro.-Conceder, con cargo ós conceptos orzamentarios 07.04.322S.483.0. da Dirección Xeral de Ensinanzas Profesionais e Formación de Adultos, as axudas que se relacionan no anexo I.

Segundo.-Denegar, polas causas que se indican, as solicitudes que se relacionan no anexo II.

Terceiro.-De conformidade co punto noveno da Orde do 7 de febreiro de 1996, as axudas serán aboadas do seguinte xeito:

* O 10% da contía subvencionada logo da aceptación da devandita subvención, certificación do comezo da actividade por parte do director/a do centro onde se realiza, calendario das actividades e relación nominal e DNI dos asistentes e dos relatores.

* O 70% en concepto de pagamentos parciais.

* A cantidade restante librarase unha vez finalizada a actividade no momento da súa completa xustificación económica e entrega da súa memoria de actividades (en todo caso antes do 5 de outubro) achegando certificación acerca da percepción ou non percepción doutras axudas e subvencións para a mesma finalidade subvencionada, para o efecto do disposto no artigo 78.3º da Lei 11/1992, do 7 de outubro, de réxime financeiro e presupostario.

Cuarto.-Nas convocatorias públicas, publicidade e propaganda das accións que se desenvolven ó abeiro desta orde, así como os lugares nos que se realizan as referidas accións, deberá figurar que estas están cofinanciadas pola Xunta de Galicia, Consellería de Educación e Ordenación Universitaria, e o Fondo Social Europeo, ámbalas dúas instituciones cos seus respectivos logotipos.

Quinto.-Contra a presente orde, que esgota a vía administrativa, poderase interpor recurso contencioso-administrativo, previsto na Lei reguladora da xurisdicción contencioso-administrativa, do 27 de

decembro de 1956, perante o Tribunal Superior de Xustiza de Galicia, no prazo de dous meses contados a partir do día seguinte ó da súa publicación, logo de comunicación a esta consellería, segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 3 de xuño de 1996.

Celso Currás Fernández

Conselleiro de Educación e Ordenación Universitaria

ANEXO I

ANEXO II

3015