Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación de L.M.T. e C.T. n. 1 polígono Lalín 2000 que ten as seguintes características especiais:
Peticionario: Unión Eléctrica-Fenosa, S.A.
Lugar no que se vai establece-la instalación: desde o apoio n. 6 da L.M.T. ó antigo C.T. Laxe-Lendoiro rematando no C.T. que se proxecta n. 1 do polígono Lalín 2000, concello de Lalín.
Finalidade da instalación: mellora-la subministración eléctrica na zona.
Características principais: L.M.T., aéreo-subterránea, a 20 kV, de 55 m de lonxitude, o tramo aéreo irá sobre apoio de formigón e o tramo subterráneo con conductor tipo R.H.V. C.T. de 160 kVA relación de transformación 20 kV-398/230 V.
Orzamento: 4.657.604 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 24 de abril de 1996.
Ramón Álvarez Abad
Delegado provincial de Pontevedra
9604351