A Dirección Xerencia do Complexo Hospitalario A. Marcide-P. Novoa Santos, en virtude das atribucións que lle foron delegadas conforme o establecido no artigo 7 da orde da Consellería de Sanidade e Servicios Sociais do 15 de setembro de 1994 (DOG nº 191, do 3 de outubro), sobre delegación de competencias en órganos centrais e periféricos do Sergas, convoca o seguinte concurso público.
Subministración: realización de probas analíticas por laboratorio externo.
Orzamento: 20.000.000 de ptas., IVE incluído.
Fianza provisional: 2% do orzamento de licitación.
-Forma de adxudicación: concurso público, procedemento aberto (tramitación urxente).
-Prazo de execución: os bens obxecto do presente concurso público entregaranse no prazo establecido no prego de cláusulas administrativas particulares e no seu anexo I: prego de prescricións técnicas.
-Admisión de variantes: segundo o establecido na cláusula 3.1 do prego de cláusulas administrativas particulares.
-Clasificación económica: a clasificación económica mínima que deben acredita-los licitadores é: grupo III, subgrupo I, categoría B.
-Criterios de adxudicación:
Prezo: 41%.
Control de calidade externo e interno: 25%.
Prazos de entrega e recollida de mostras: 17%.
Sistema de comunicación informático co hospital: 17%.
-Documentos de interese para os licitadores: o prego de cláusulas administrativas particulares e demais documentación complementaria estarán de manifesto e a disposición dos concursantes para o seu exame no Servicio de Xestión Económica do Complexo Hospitalario A. Marcide-P. Novoa Santos, estrada de San Pedro de Leixa, s/n, 15405 Ferrol (A Coruña), tódolos días laborais, agás os sábados, de 9 as 15 horas.
-Presentación de proposicións: as proposicións deberán ser presentadas en man, en sobres pechados e asinados polo licitador ou persoa que o represente, no rexistro xeral do Complexo Hospitalario A. Marcide-P. Novoa Santos antes das 14 horas do décimo terceiro día natural contado a partir do seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciarlle ó órgano de contratación a remisión da oferta mediante fax (981) 33 40 15 ou telegrama no mesmo día, de conformidade co artigo 100 do Regulamento xeral de contratación do Estado.
-Apertura das proposicións: terá lugar na sala de xuntas do Complexo Hospitalario A. Marcide-P. Novoa Santos sito na estrada San Pedro de Leixa, s/n, 15405 Ferrol, a partir das 10 horas do décimo primeiro día natural contado desde o seguinte a aquel no que remate o prazo de presentación de ofertas. No caso de que o dito día coincida en sábado ou festivo, a apertura das proposicións terá lugar o día hábil seguinte.
-Documentación que aportarán os licitadores: os documentos que figuran no prego de cláusulas administrativas particulares.
-Anuncios: o pagamento do anuncio do presente concurso público será por conta do/s adxudicatario/s do/s contrato/s.
Ferrol, 4 de xuño de 1996.
Alfredo García Iglesias
Director xerente do Complexo Hospitalario A. Marcide-P. Novoa Santos
9604705
