Visto o expediente de cambio de dominio que a continuación se menciona, instruído para efectos de transmisión da concesión administrativa pertinente e do establecemento que a ampara; tendo en conta que o interesado obtivo a autorización previa prevista no artigo 59 da Lei 6/1993, do 11 de maio, de pesca de Galicia (DOG nº 101, do 31 de maio) e que foi acreditada a transmisión de dereitos e aboados os impostos correspondentes.

Esta consellería, en virtude das atribucións conferidas, á vista do informe favorable do Servicio Xurídico e de Planificación, acordou acceder ó solicitado, proclamando a nova titularidade de concesión e establecemento que se relaciona a continuación:

Nome da batea: A.A. nº 13.

Cultivo: mexillón.

Localización: cuadrícula nº 96, Redondela «A».

Data de concesión: 27-6-1961 (BOE nº 165).

Data de remate da última prórroga: 12-7-1996.

Anteriores concesionarios: José Rodríguez González, María Ferradas Calvar.

Novos titulares concesión: Andrés Calvo Rosende, Mercedes Louzao Sobral.

Os novos concesionarios quedan subrogados nos mesmos dereitos e obrigas dos anteriores concesionarios, así como ó cumprimento das disposicións legais vixentes que lle sexan aplicables e de categoría suficiente.

Vigo, 28 de maio de 1996.

P.D. (Orde 27-6-1990)

José Manuel Gabeiras Vérez

Delegado territorial de Vigo (Pontevedra)

4449