Aprobado polo Pleno deste concello, en sesión extraordinaria celebrada o 11 de abril de 1996, o escudo heráldico municipal, así como a bandeira e logotipo, co seguinte brasón:

Escudo municipal: De azul unha cepa de ouro, disposta sobre ondas de azul e prata e acompañada no cantón destro do xefe dunha cruz patada de prata, ó timbre coroa real pechada.

Bandeira: sobre pano azul, unha cruz patada de branco cantonada de catro follas de cepa, de amarelo.

Sométese o expediente a información pública polo prazo dun mes, para efectos de exame e reclamacións, de conformidade co disposto no artigo 3 do Decreto 258/1992, do 10 de setembro, da Consellería da Presidencia e Administración Pública.

José Rodríguez Rodríguez

Alcalde-presidente

4286