De conformidade co disposto estatutariamente e por acordo do consello de administración, convócase asemblea xeral da Caixa de Aforros de Pontevedra, en sesión constituínte, co fin de completa-la composición da mesma, unha vez finalizado o proceso de renovación por metades dos representantes dos diferentes grupos que a forman.
A sesión terá lugar o día 1 de xullo de 1996, no auditorio, ubicado no edificio social da entidade, situado na rúa Augusto González Besada, 2 e 4, de Pontevedra (acceso polo polígono de Campolongo), ás 19 horas, na primeira convocatoria, e de non reunirse o quórum necesario, en segunda convocatoria o mesmo día e en igual lugar ás 19.30, para trata-los asuntos comprendidos na seguinte orde do día:
1. Confección da relación de asistentes para determinación do quórum e subseguinte constitución válida da asemblea.
2. Apertura da reunión pola presidencia.
3. Elección de vocais, titulares e suplentes, do consello de administración.
4. Elección de membros, titulares e suplentes, da comisión de control.
5. Acordo sobre a aprobación da acta da sesión.
Durante o prazo de cinco días naturais, a contar desde a data da publicación desta convocatoria no Diario Oficial de Galicia, poderase propoñer candidaturas ante a comisión electoral, ós efectos previstos no apartado terceiro e cuarto da orde do día.
Pontevedra, 31 de maio de 1996.
Manuel Campos Villarino
Presidente del Consejo de Administración