En cumprimento do artigo 59.4º da Lei 30/1992, do 26 de novembro, de réxime xurídico das administracións públicas e do procedemento administrativo común, por medio do presente anuncio practícase a notificación do 21-11-1995, de titular con domicilio ignorado, segundo devolución do servicio de correos.
Tramitado o proceso expropiatorio por declaración de urxente ocupación dos bens e dereitos afectados polas instalacións da liña eléctrica a 15/20 kV e centro de transformación en Reboredo, no concello de Bergondo, de acordo co establecido na Lei de
expropiación forzosa do 16 de decembro de 1954 e no seu Regulamento do 26 de abril de 1957, notifícase que a entidade beneficiaria Unión Eléctrica-Fenosa, S.A., consignou na Caixa Xeral de Depósitos (Tesourería da Delegación Territorial de Economía e Facenda) a cantidade de 112.538 ptas., a favor de Mikel Calvo, proposto como titular do predio nº 14 deste expediente ó resultar con domicilio ignorado, importe da indemnización do prezo xusto e xuros.
Nº predio: 14.
Lugar: A Milleira.
Titular: Mikel Calvo.
Afección: en voo, 64 ml; 396 m.
Lindeiros:
-Norte: María Suárez López.
-Sur: José Babío.
-Leste: máis do mesmo predio.
-Oeste: máis do mesmo predio.
A declaración de utilidade pública para estas instalacións foi outorgada por Resolución do 28-2-1992.
Cumprido o prazo deste anuncio, de conformidade co artigo 5 da Lei de expropiación forzosa do 16 de decembro de 1954, dirixiranse ó Ministerio Fiscal as notificacións e dilixencias no expediente o seu titular.
A Coruña, 23 de abril de 1996.
Juan Ignacio Lizaur Otero
Delegado provincial da Coruña
3724