A Orde do 24 de novembro de 1995 (DOG do 20-12-1995) regula a concesión de subvencións a empresas editoriais, legalmente constituídas, para a edición de libros e materiais didácticos, para niveis non universitarios impresos en lingua galega.
Visto o informe-proposta formulado pola comisión constituída ó abeiro do artigo 10 da devandita orde, esta consellería,
DISPÓN:
Artigo 1º
A concesión de axudas na contía que se indica no anexo desta orde a aqueles proxectos de empresas editoriais que se axustan ós criterios establecidos na Orde do 24 de novembro de 1995 así como a
desestimación daqueles outros proxectos que aparecen con cero pesetas ó non se corresponderen cos criterios e prioridades da devandita orde.
Artigo 2º
As empresas ás que lles sexan subvencionados proxectos deberán presentar ante a Dirección Xeral de Política Lingüística a aceptación da subvención concedida no prazo máximo de dez días contados a partir da publicación desta disposición no DOG segundo o establecido no artigo 12 na Orde do 24-12-1995.
Artigo 3º
A presente disposición pon fin á vía administrativa, segundo o disposto no artigo 109 e) da Lei 30/1992, de réxime xurídico das administraciones públicas e do procedemento administrativo común.
Disposición derradeira
A presente orde entrará en vigor o día seguinte ó da súa publicación no DOG.
Santiago de Compostela, 15 de maio de 1996.
Juan Piñeiro Permuy
Conselleiro de Educación e Ordenación Universitaria
ANEXO
96-3995