De conformidade co establecido no Regulamento de provisión de postos de traballo aprobado por acordo plenario desta corporación do 24 de abril de 1992 e a proposta das respectivas comisións de valoración designadas para o efecto, segundo as actas das súa reunións de data 7 e 9 de maio de 1996; designarase a funcionaria que figura a continuación para cubri-lo posto que así mesmo se indica, segundo a convocatoria do concurso específico de provisión de postos de traballo publicada no Diario Oficial de Galicia nº 731 do 29 de xaneiro de 1996.
Posto de traballo: Xefatura de Sección de Recursos Propios.
Adscrición: Servicio de Xestión Tributaria.
Apelidos e nome: Alonso, Ricoy, Covadonga.
O cesamento no actual destino efectuarase no prazo de tres días, contados a partir da publicación da presente resolución no Diario Oficial de Galicia.
A toma de posesión deberase realizar no prazo de tres días a partir do seguinte ó do cesamento, se se trata da mesma localidade na que preste os seus servicios o funcionario, ou no prazo dun mes se se trata de distinta localidade.
Contra esta resolución poderase interpoñer recurso contencioso-administrativo nos termos e prazos sinalados na Lei reguladora da xurisdicción contencioso-administrativa, logo da comunicación a esta presidencia conforme o previsto no artigo 110.3º da Lei 30/1992, do 26 de novembro, de réxime xurídico das administraciones públicas e do procedemento administrativo común.
A Coruña, 10 de maio de 1996.
Augusto César Lendoiro
Presidente da Deputación Provincial da Coruña
Hipólito Blanco Malvárez
Secretario Actal.
AVISO PARA OS ANUNCIANTES
PREZOS PARA A PUBLICACIÓN DE ANUNCIOS
NO DOG A PARTIR DO 1 DE XANEIRO DE 1996
(Decreto 289/1995, do 3 de novembro,
DOG do 9 do mesmo mes)
-Tramitación ordinaria: 445 pesetas/liña de 54 espacios.
-Tramitación urxente: 890 pesetas/liña de 54 espacios.