Intentada a notificación directa ó titular da máquina, Recreativos Chacón, da proposta de resolución formulada polo instructor no expediente de referen

cia, e ó non poder efectuar esta, resolvín, ó amparo do previsto no artigo 59.4º da Lei 30/1992, de réxime xurídico das administracións públicas e do procedemento administrativo común, dispoñe-la publicación no Diario Oficial de Galicia do seguinte:

Que o Consello da Xunta de Galicia, logo da proposta do conselleiro de Xustiza, Interior e Relacións Laborais, acorde:

Sancionar a Recreativos Chacón, con multa dun millón mil pesetas (1.001.000 ptas.), pola comisión dunha infracción moi grave das previstas no artigo 28 «d» e «g» da Lei 14/1985, modificada pola Lei 7/1991, e sancionable a través dos artigos 31 e 32 da mesma lei, por ter instalada e en explotación unha máquina recreativa tipo «B» no establecemento Bar Finisterre, do concello de Fisterra (A Coruña) carecendo de toda a documentación esixida pola lexislación vixente.

Interpoñer como sanción accesoria a destrucción da respectiva máquina tipo «B» comisada por carecer de toda documentación respectiva, esixida legalmente.

Contra a presente proposta de resolución poderán os interesados formular alegacións que consideren oportunas e presenta-los documentos e informacións que estimen pertienentes, no prazo de 15 días a partir do seguinte ó da publicación desta proposta, perante o instructor do procedemento, de conformidade co disposto no artigo 7 da Lei 34/1987, do 26 de decembro, de potestade sancionadora da Administración pública en materia de xogos de sorte, envite ou azar e no artigo 19 do Real decreto 1398/1993, do 4 de agosto, polo que se aproba o regulamento do procedemento para o exercicio da postestade sancionadora.

A Coruña, 18 de abril de 1996.

Fernando Rodríguez Corcoba

Delegado provincial da Coruña

9603515