Foille notificada á Consellería de Sanidade e Servicios Sociais a providencia da Sala do Contencioso-Administrativo do Tribunal Superior de Xustiza de Galicia pola que se reclama o expediente relativo ó recurso nº 1/521/96, interposto polo Colexio Oficial de Médicos da provincia de Ourense contra o pacto sobre nomeamentos e contratos temporais do persoal estatutario nas institucións sanitarias xestionadas polo Servicio Galego de Saúde (DOG nº 14, do 19 de xaneiro de 1996).

En consecuencia, esta dirección xeral acorda, de conformidade co disposto no artigo 64 da Lei reguladora da xurisdicción contencioso-administrativa, a remisión do citado expediente administrativo. O que se notifica para xeral coñecemento de tódalas persoas interesadas no procedemento, que son emprazadas para que poidan comparecer como parte nos autos na sección primeira da referida sala no prazo de nove días.

Santiago de Compostela, 19 de abril de 1996.

Carlos Negreira Souto

Director xeral de Recursos Humanos

3007