Para os efectos previstos no artigo 7 da Lei 10/1987, do 15 de xuño, de disposicións básicas para un desenvolvemento coordinado de actuacións en materia de combustibles gasosos, e no artigo 11 do Regulamento xeral de servicio público de gases combustibles, aprobado polo Decreto 2913/1973, do 26 de outubro, sométese a información pública o seguinte proxecto de concesión administrativa:
Peticionario: Gas Galicia SDG, S.A., con domicilio na r/ A Rosa, 16-3ºB, 15701 Santiago de Compostela.
Obxecto da petición: concesión administrativa para o servicio público de distribución e subministración de gas natural, no termo municipal do Carballiño, na provincia de Ourense, para a subministración a usuarios domésticos, comerciais e industriais, e nunha primeira fase para o almacenamento, distribución e subministración de aire propanado, de conformidade co proxecto presentado para o efecto, o cal se concretará posteriormente, co oportuno detalle no proxecto para a autorización das instalacións.
Descrición das instalacións: o proxecto das instalacións deséñase a partir da rede de transporte de Enagás, S.A. (ramal de Ourense), o trazado do cal discorre polo dito municipio.
Desde a rede de transporte de Enagás, S.A. alimentarase o punto de entrega de gas natural (PEGN) á rede de Gas Galicia SDG, S.A. No PEGN realizarase a medición do gas, e tamén se reducirá a súa presión desde o rango AP-72 (72 bar) ata o rango MPB (4 bar).
A rede de distribución primaria -básica-, cunha lonxitude de 1.000 m estará deseñada e operará a unha presión máxima de 4 bar, e desde a mesma, ben directamente, ou a través das redes secundarias, que se construirán a partir da rede básica, subministrarase gas para os consumos domésticos, comerciais e de pequenas industrias no termo municipal citado.
A rede de distribución secundaria, cunha lonxitude de 10.865, deseñarase e operará en parte en MPB, á presión máxima de 4 bar, e en parte á presión máxima de 0,4 bar (rango MPA) en función, especialmente, dos consumos demandados, das características urbanísticas dos núcleos poboacionais e dos condicionantes das vías públicas e edificación.
Para alimenta-la rede de distribución secundaria, a explotación da cal se realice no rango MPA, instalaranse estacións de regulación, MPB/MPA, ó longo do trazado da rede primaria que distribúa o gas á presión máxima de 4 bar.
O caudal máximo que se transportará será o necesario para atende-la demanda máxima prevista para os diferentes mercados do termo municipal obxecto da concesión, estimándose en 500 m (n)/h de aire propanado, de 13.5 termias/m (n), nunha primeira fase e en 1.500 m (n)/h de gas natural na segunda fase.
A planta de aire propanado que se vai instalar no municpio do Carballiño permitirá a subministración dun gas, totalmente intercambiable co gas natural, previo á interconexión das redes de Gas Galicia SDG, S.A., coa rede de transporte de Enagás, S.A.
A planta estará constituída, basicamente, por unha zona de almacenamento e descarga, e a zona de producción.
Área da concesión: o municipio afectado pola solicitude de concesión é O Carballiño, na provincia de Ourense.
Orzamento: duascentas sesenta e tres millóns seiscentas sesenta e unha mil pesetas (263.661.000 ptas.).
O que se fai público para coñecemento xeral e para que todas aquelas persoas naturais ou xurídicas que se consideren prexudicadas nos seus dereitos poidan presenta-las súas alegacións no prazo de 20 días a partir da data de publicación deste anuncio, podendo examina-lo proxecto de concesión na Dirección Xeral de Industria, edificio San Caetano, Santiago de Compostela, así como na Delegación Provincial da Consellería de Industria e Comercio, en Lugo.
Santiago de Compostela, 7 de maio de 1996.
Joaquín del Moral Crespo
Director xeral de Industria
9603711