Visto o expediente para outorgamento de autorización administrativa e aprobación do proxecto de execución das instalacións eléctricas que a continuación se detallan:
Solicitante: Unión Eléctrica-Fenosa, S.A.
Enderezo social: Severo Ochoa, 2, 15008 A Coruña.
Denominación: L.M.T. ó C.T. de Zara, polígono de Sabón.
Situación: Arteixo.
Descricións técnicas: liña eléctrica subterráneo-aérea de media tensión, a 15/20 kV, en dobre circuíto: subterránea, baixo tubo e con conductor R.H.V. 15/20 kV, de 3(1x240) mm Al, de 214 m de lonxitude dentro da subestación de Sabón. Aérea sobre apoios metálicos e con conductor LA-110 de 1.139 m de lonxitude que entronca no tramo subterráneo anterior e termina no apoio na liña de Zara, no polígono industrial de Sabón. Arteixo.
Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,
Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.
A Coruña, 22 de abril de 1996.
Juan Ignacio Lizaur Otero
Delegado provincial da Coruña
3490