O artigo 5, punto 2, do Decreto 442/1990, do 13 de setembro, de avaliación do impacto ambiental para Galicia (DOG nº 188 do 25 de setembro), dispón que o órgano substantivo someterá o estudio de impacto ambiental ó trámite de información pública
durante trinta días hábiles, mediante anuncio no Diario Oficial de Galicia.
Na súa virtude,
RESOLVO:
Primeiro.-Someter a información pública, no prazo de trinta días hábiles, contando a partir da publicación da presente resolución, o estudio de impacto ambiental do proxecto de aproveitamento hidroeléctrico do río Montaña, sito nos concellos de Lobios e Entrimo (Ourense), promovido pola empresa INCENERSA, S.L.
Segundo.-Para os devanditos efectos informativos, poranse a disposición dos administrados exemplares nas seguintes dependencias:
* Dirección Xeral de Industria.
* Delegación Provincial da Consellería de Industria e Comercio de Ourense.
* Casas do Concello de Lobeira e Lobios.
Terceiro.-As alegacións, dirixidas ó director xeral de Industria, formularanse durante o dito prazo de trinta días e serán presentadas en calquera das oficinas que establece o artigo 38.4º da Lei 30/1992, do 26 de novembro, de réxime xurídico das administracións públicas e do procedemento administrativo común.
Santiago de Compostela, 18 de abril de 1996.
Joaquín del Moral Crespo
Director xeral de Industria
3248