A Lei 4/1991, do 8 de marzo, de reforma da Lei 4/1988, do 26 de marzo, da función pública de Galicia, crea no artigo 27.2º (último parágrafo), o diploma de directivo como requisito necesario para o desempeño de determinados postos de traballo.
Por Decreto 294/1993, do 10 de setembro (DOG nº 208, do 26-10-92) regulouse o diploma de directivo da Xunta de Galicia.
En execución do previsto na disposición transitoria cuarta deste decreto, convócase un curso para a obtención do diploma de directivo adaptado a altos cargos da Xunta de Galicia que deberá desenvolverse conforme as seguintes bases:
Primeira.-Solicitantes.
Poderán participar neste curso os funcionarios que estean ocupando actualmente un posto de director, secretario xeral ou delegado provincial da Xunta de Galicia e reúnan os requisitos xerais esixidos no artigo 2 e 4 (último parágrafo) do Decreto 294/1992. Deberán ter desempeñado durante máis dun ano un posto de traballo dos definidos como altos cargos na normativa vixente.
Segunda.-Criterios de selección dos participantes.
A selección dos participantes farase por antigüidade na prestación de servicios de director, secretario xeral ou delegado provincial da Xunta de Galicia.
A relación de participantes publicarase no taboleiro de anuncios da EGAP, sen prexuízo de comunicárllelo directamente ós seleccionados.
Terceira.-Características dos cursos.
-Duración: 56 horas.
-Lugar: EGAP. Polígono das Fontiñas, rúa de Madrid, 2-4, 15703 Santiago de Compostela.
-Datas: 31 de maio; 1, 14, 15 de xuño; 5, 6, 19, 20 de xullo; 13, 14, 27, 28 de setembro; 18 e 19 de outubro.
-Horarios: venres, de 16.30 a 20.30 horas e sábados de 9.30 a 13.30 horas.
-Prazas: 25/30.
-Contido básico: estará constituído polo desenvolvemento teórico-práctico das seguintes materias básicas: A función directiva nas administracións públicas. Habilidades no proceso decisional: a negociación na Administración pública. Da planificación estratéxica á dirección por obxectivos. Deseño organizativo e estructuración das unidades prestadoras de servicios públicos. A xestión dos recursos huma
nos nas unidades prestadoras de servicios públicos. Calidade de servicios na Administración Pública. A xestión dos procesos de cambio e modernización nas administracións públicas.
Cuarta.-Asistencia.
É obrigatoria a asistencia e puntualidade a tódalas actividades do curso. A ausencia xustificada deberá ser autorizada polo director ou responsable do curso. A falta de asistencia inxustificada a 20 ou máis horas lectivas determinará a cualificación de «non apto». A falta de asistencia, aínda que estea xustificada, a máis do 20% das horas lectivas, determinará tamén a calificación de «non apto» no curso.
Quinta.-Probas de aptitude.
Valorarase a participación e dedicación dos alumnos ó longo do curso. A EGAP fixará as probas que coide pertinentes para avalia-los coñecementos adquiridos polos alumnos. Poderá constituírse un comité de avaliación formado por un equipo de profesores presidido polo director do curso.
Os declarados «non apto» perderán a preferencia que lles poida corresponder nos procesos selectivos que se realicen nos próximos tres anos fronte ós aspirantes que se presenten por primeira vez.
Sexta.-Expedición do diploma de directivo.
Finalizado o curso, o director deste elevará a proposta dos aptos ó director da EGAP, que dictará a resolución definitiva e expedirálle-lo diploma de directivo.
Sétima.-Modificacións.
A EGAP poderá modifica-los contidos, duración, datas e horarios mencionados para adaptalos ás necesidades da Administración e ás continxencias que xurdan no desenvolvemento do curso.
Oitava.-Instancias e prazo de presentación.
As instancias presentaranse segundo o modelo que figura como anexo I a esta convocatoria. Presentarán tamén coa instancia o anexo II co que se resumen tódolos méritos e, ademais, tódolos documentos (orixinais ou copias compulsadas) que acreditan suficientemente a súa validez, agás os que certifican os responsables de persoal. A EGAP poderá solicita-la documentación complementaria ou aclaratoria da xa presentada no momento de solicita-lo curso.
A falsidade ou ocultación de datos é motivo de exclusión automática.
As instancias presentaranse na EGAP ou se enviarán por calquera dos medios permitidos pola normativa reguladora do procedemento administrativo.
O prazo de presentación de instancias será de quince días hábiles contados a partir do seguinte ó da publicación desta resolución no Diario Oficial de Galicia.
Santiago de Compostela, 29 de abril de 1996.
Domingo Bello Janeiro
Director da Escola Galega de Administración Pública
ANEXO II
CERTIFICACIÓN DO XEFE DOS SERVICIOS DE PERSOAL
Don/Dona,
Xefe(a) do Servicio de Persoal da Consellería de
CERTIFICA
1º Que Don/a está ocupando actualmente o posto de (director xeral,
secretario xeral ou delegado provincial) de
2º Que é funcionario de carreira do corpo (escala) de
do grupo, coa titulación de en situación de
na Administración da Comunidade Autónoma Galega.
3º Que ten prestado anos de servicios na Administración pública ou anos no suposto de diplomados.
4º Que ten desempeñado durante ano(s) un posto de traballo dos definidos como altos cargos na normativa vixente.
Lugar e data: , de de 1996.
Sinatura e selo:
3588
