Para os efectos prevenidos no artigo 9 do Decreto 2617/1966 e no artigo 10 do Decreto 2619/1966, sométese a información pública a petición de autorización e declaración de utilidade pública, da instalación eléctrica que se describe:
Solicitante: Barras Eléctricas, S.A.
Enderezo scial: Cidade de Viveiro, 4-1º-Lugo.
Denominación: reelectrificación de Coto da Recadeira.
Situación: Mondoñedo.
Descricións técnicas: liñas de media tensión a 20 kV, con conductor LA-56 de 54,6 mm Al, cunha lonxitude de 102 metros, sobre postes de formigón ou torres metálicas. Dous centros de transformación tipo intemperie de 100 kVA o de Coto de Recadeira e 50 kVA, o da Cabana, de 20.000/380-220 V, sobre apoios metálicos. Rede de baixa tensión en conductor R.Z.-95-50, cunha lonxitude de 2.940 metros, sobre postes de formigón ou grampados sobre fachadas, para mellora do servicio eléctrico en Coto da Recadeira, A Cabana, Mazo, no concello de Mondoñedo.
Orzamento: 18.906.524 ptas.
Todas aquelas persoas ou entidades que se consideren afectadas poderán presenta-las súas alegacións nesta delegación provincial, no prazo de trinta días.
Lugo, 22 de marzo de 1996.
Jesús Bendaña Suárez
Delegado provincial de Lugo
3218