O Concello Pleno na súa sesión do 28 de marzo acordou a aprobación inicial do expediente de expropiación polo procedemento de taxación conxunta de predios situados en Verín-Coiro, cunha superficie total de 19.233 m, sendo a delimitación do seu ámbito territorial o seguinte: norte, herdeira de Indalecio García García-Bravo e pres de regadío; sur, camiño público; leste, camiño público e oeste, camiño de servidume a predios.
De conformidade co anterior e en cumprimento do previsto no Art. 219, 2º e 3º do texto refundido da Lei do solo, exponse ó público o expediente citado nas oficinas de secretaría deste concello polo prazo dun mes, a partir da inserción deste anuncio no Diario Oficial de Galicia, co obxecto de que os que poidan resultar interesados formulen as observacións e reclamacións que consideren convenientes, en particular no que concerne á titularidade ou valoración dos seus respectivos dereitos.
Cangas, 29 de marzo de 1996.
Euloxio López Gutiérrez
Alcalde
2733