A orde da Consellería de Economía e Facenda, do 25 de xuño de 1993, pola que se dictan normas de actuación das entidades de depósito que prestan o servicio de caixa nas súas delegacións territoriais, estableceu que os ingresos se realizarán de luns a venres e cando o vencemento coincida cun sábado trasladarase ó primeiro día hábil seguinte.
Dado que a orde da Consellería de Economía e Facenda, do 13 de xaneiro de 1993, estableceu que, entre as funcións tributarias encomendadas ás oficinas liquidadoras de distrito hipotecario en relación cos impostos sobre transmisións patrimoniais e actos xurídicos documentados e sobre sucesións e doazóns, atópase o cobramento en período voluntario, cómpre axeita-lo réxime de admisión de ingresos nas citadas oficinas ó vixente nas nosas delegacións territoriais e, en consecuencia,
RESOLVO:
Que se o vencemento de calquera obriga formal de presentación de documentos con transcendencia
tributaria, susceptibles de orixinar ingresos nas oficinas liquidadoras de distrito hipotecario, ten lugar en día distinto ós comprendidos entre o luns e o venres, ámbolos dous inclusive, o dito día trasladarase ó primeiro hábil seguinte.
Esta resolución causará efectos a partir do día seguinte ó da súa publicación no Diario Oficial de Galicia.
Santiago de Compostela, 12 de abril de 1996.
Miguel Ángel Sainero Caballero
Director xeral de Política Financeira e do Tesouro
96-3341