De conformidade co disposto no artigo 59.4º da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común, notifícaselle a persoa que no anexo se menciona, que con esta data resolvín publicar o acordo de iniciación do procedemento sancionador por infracción a Lei 7/1992, de 24 de xullo, de pesca fluvial de Galicia (DOG nº 151, do 5 de agosto de 1993), por non ser posible a notificación a través do servicio de correos.
Noméase instructor deste procedemento a José Ángel Madarro Río, funcionario desta delegación; podendo ser recusado en calquera momento do expediente de concurrir os supuestos legais.
Os interesados disporán dun prazo de quince días, contados a partir do seguinte o da publicación desta notificación, para aportar, por escrito, cantas alegacións, documentos, informacións ou propostas de probas consideren convenientes en defensa dos seus derechos.
Conforme ó establecido no artigo 13.2º do Regulamento de procedemento para o exercicio da potestade sancionadora, do 4 de agosto de 1993, de no efectuarse alegacións no prazo anterior, este acordo de iniciación poderá ser considerado proposta de resolución, determinándose para estes efectos o importe da sanción.
O pagamento voluntario porá fin ó expediente. Para efectualo deberá empregar os impresos normalizados que lle serán facilitados na Delegación Provincial de Lugo, Ronda de la Muralla, 197.
O que se lles comunica de acordo coa normativa antes citada e co establecido no Regulamento do procedemento para o exercicio da potestade sancionadora, aprobado polo Real decreto 1398/1993, do 4 de agosto (BOE nº 189, do 9 de agosto de 1993).
Lugo, 1 de abril de 1996.
José Ramón Molinero Senovilla
Delegado provincial de Lugo
ANEXO
Expediente número: P-298/1995.
Denunciado: SAT 222, Pazos de Viveiro.
Último enderezo coñecido: Viveiró-Muras, 27836 Lugo.
Feitos imputados: incorporación ó río Landro de residuos de Xurro, procedentes do baleirado dos depósitos das granxas Porreomeu, sen contar con autorización.
Precepto sancionador: 35.9º.
Cualificación infracción: grave.
Sanción: 500.001 pesetas de multa.
2941
