En execución do Plan de actividades da EGAP para o ano 1996 e do previsto no Decreto 15/1996, do 12 de xaneiro, polo que se declara 1996 Ano de Xesús Ferro Couselo, a EGAP anuncia a celebración dunha mesa redonda sobre este galego insigne comprometido coa nosa cultura, que se celebrará conforme as seguintes bases:
1. Obxectivos.
Con motivo de declara-la Real Academia Galega o Días das Letras Galegas de 1996 dedicado a Xesús Ferro Couselo, a EGAP súmase, como institución pública galega, á homenaxe deste personaxe, organizando unha mesa redonda sobre a súa vida e obra. Esta acción formativa completarase cunha viaxe de interese cultural a Ourense.
2. Destinatarios.
Na mesa redonda poderá participa-lo persoal das administracións públicas e calquera outra persoa interesada. Á viaxe cultural terá acceso o persoal de calquera das administracións públicas de Galicia (ata 40 prazas). Será condición indispensable ter asistido á mesa redonda.
3. Desenvolvemento.
-Día 9 de maio, de 13 h. a 14.30 h. na EGAP: mesa redonda sobre a vida e obra de Xesús Ferro Couselo.
-Día 17 de maio: viaxe a Ourense. Saída da Coruña, (praza do Obelisco), ás 8 horas e da EGAP ás 9.15 horas.
5. Inscrición.
-Lugar de presentación de solicitudes: rexistro xeral da EGAP. Polígono das Fontiñas, rúa de Madrid, 2-4, 15703 Santiago de Compostela.
-Forma de envío: por correo ó enderezo anterior ou por fax ó número (981) 57 15 40.
-Prazo: remata ás 12 h. do día 9 de maio.
6. Información.
Servicio de Estudios, Investigación e Publicacións. Teléfono (981) 57 08 00.
Santiago de Compostela, 15 de abril de 1996.
Domingo Bello Janeiro
Director da Escola Galega de Administración Pública
2749