Convocada a provisión, polo sistema de libre designación, de catro postos de traballo vacantes na Consellería de Familia, Muller e Xuventude, mediante Orde do 8 de marzo de 1996 (DOG nº 60, do 25 de marzo), de conformidade co establecido nas bases quinta e sexta da referida orde, esta consellería,

RESOLVE:

Primeiro.-Adxudicarlles destino, nos postos de traballo que se indican, ós funcionarios que se expresan no anexo desta orde, seleccionados conforme ó establecido nas bases da convocatoria, realizada por orde desta consellería do 8 de marzo de 1996.

Segundo.-Os cesamentos nos actuais destinos dos funcionarios que obtiveron praza produciranse no prazo de tres días, contados a partir do seguinte ó da data da publicación desta orde no Diario Oficial de Galicia.

Se na data na que deben cesar no seu destino os funcionarios están desfrutando un período de licencia, vacacións ou permiso, o prazo para efec

tualo empezará a contar a partir do día seguinte ó da súa incorporación.

As tomas de posesión das prazas adxudicadas deberanse realizar no prazo dos tres días seguintes ó dos cesamentos, de tratarse da mesma localidade na que actualmente prestan os seus servicios os funcionarios, ou no prazo dun mes, de tratarse de distinta localidade, conforme o establecido no artigo 14 do Decreto 93/1991, do 20 de marzo (DOG nº 58, do 25 de marzo).

Terceiro.-Os xefes dos centros nos que causen baixa os funcionarios, así como os daqueles nos que obteñan destino, consignarán no título administrativo, dentro do prazo sinalado no apartado anterior, as correspondentes dilixencias de cesamento e toma de posesión, das que se dará traslado, mediante copia, á Dirección Xeral da Función Pública.

Cuarto.-Contra esta orde os interesados poderán interpoñer recurso contencioso-administrativo perante o Tribunal Superior de Xustiza de Galicia no prazo de dous meses contados a partir do día da súa publicación no Diario Oficial de Galicia, comunicándolle previamente a esta consellería a vontade de interpoñelo segundo o previsto no artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común.

Santiago de Compostela, 17 de abril de 1996.

Manuela López Besteiro

Conselleira de Familia, Muller e Xuventude

ANEXO

96-3072