De conformidade coa proposta elevada pola comisión designada para xulga-lo concurso convocado por resolución da Universidade da Coruña do 27 de marzo de 1995 (BOE do 22 de abril) para a provisión da praza número 95/011 de profesor titular de universidade da área de coñecemento de química orgánica, do departamento de Química Fundamental e Industrial, a favor de Miguel Ángel Maestro Saavedra, e unha vez acreditados polo interesado os requisitos a que alude o artigo 5.2º do Real decreto 1888/1984, do 26 de setembro,

Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Miguel Ángel Maestro Saavedra, profesor titular de universidade

da área de coñecemento de química orgánica, do departamento de Química Fundamental e Industrial desta universidade.

A Coruña, 11 de abril de 1996.

José Luis Meilán Gil

Rector da Universidade da Coruña

96-2954