Visto o expediente instruído para a provisión de rexistros da propiedade vacantes, en virtude de concurso ordinario convocado por resolución da Dirección Xeral dos rexistros e do notariado do 2 de febrei

ro de 1996 (BOE do 13 do mesmo mes e ano ), e de conformidade cos artigos 284 da Lei hipotecaria, 513 do Regulamento para a súa execución e 17 da Lei de réxime xurídico da Administración do Estado.

Visto tamén o que dispón o artigo 26.1º do Estatuto de autonomía de Galicia, aprobado pola Lei orgánica 1/1981 e o decreto da Xunta de Galicia 13/1994, do 20 de xaneiro, e demais disposicións legais autonómicas pertinentes, esta consellería, para prove-los rexistros da propiedade vacantes, radicados no territorio desta Comunidade Autónoma, outorga nomeamento a:

-Lino Rodríguez Otero, rexistrador de Vigo nº 3, para o rexistro de Vigo nº 2 (Pontevedra).

-Vicente Artime Cot, rexistrador de Vilagarcía de Arousa, para o rexistro de Vigo nº 5 (Pontevedra).

-Ana María López Rodríguez, rexistradora de Redondela, para o rexistro de Padrón (A Coruña).

Santiago de Compostela, 8 de abril de 1996.

Juan Miguel Diz Guedes

Conselleiro de Xustiza, Interior e Relacións Laborais

Sr. Director Xeral de Xustiza e Interior

2469