Vistos os expedientes incoados pola empresa Hidroeléctrica de Laracha, S.L., con enderezo na rúa Tte. Xral. Gómez Zamalloa, nº 9-1º, 15005 A Coruña, para a autorización administrativa e aprobación do proxecto de execución da instalación que segue:

Modificación da liña eléctrica denominada L.M.T. a C.T. de Canedo consistente en:

Substituir parte da liña existente por liña eléctrica aérea de media tensión, sobre apoios de formigón e conductor LA-30, de 417 m de lonxitude, entre os CC.TT. denominados C.T. Santa Margarida e C.T. Canedo. Laracha.

Cumpridos os trámites ordenados nos capítulos III e IV do Decreto 2617/1966, do 20 de outubro, sobre autorización de instalacións eléctricas, esta delegación provincial resolveu,

Autorizar e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación e nos condicionados establecidos polos ministerios, organismos ou corporacións que constan nos expedientes.

A Coruña, 5 de marzo de 1996.

Juan Ignacio Lizaur Otero

Delegado provincial da Coruña

2391