Para os efectos previdos no artigo 9 do Decreto 2617/1966, do 20 de outubro, sométese a información pública a petición de instalación dunha L.M.T. e C.T. polígono As Gándaras, que ten as seguintes características especiais:
Peticionario: Unión Eléctrica-Fenosa, S.A.
Lugar no que se vai establece-la instalación: desde o apoio nº 8 da L.M.T. Atios-Tui estrada, na súa derivación ó polígono industrial As Gándaras, rematando no C.T. que se proxecta nomeado As Gándaras, concello do Porriño.
Finalidade da instalación: mellora-la subministración eléctrica na zona.
Características principais: L.M.T., aéreo-subterránea, a 20 kV, de 28 m de lonxitude o tramo aéreo, con conductor tipo LA-56, sobre apoios de formigón, e 20 m de lonxitude o tramo subterráneo, con conductor R.H.V. C.T. de 250 kVA, relación de transformación 20 kV-380/220 V.
Orzamento: 4.589.314 ptas.
O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra el as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.
Pontevedra, 12 de marzo de 1996.
Ramón Álvarez Abad
Delegado provincial de Pontevedra
9602434