Visto o texto do convenio colectivo para a empresa Construcciones y Reparaciones Galaico Asturianas (Cyrgasa) (código 2700232), da provincia de Lugo, asinado o día 16 de outubro de 1995, pola representación da mencionada empresa e a dos seus traballadores, e de conformidade co disposto no artigo 90, apartados 2º e 3º do Real decreto lexislativo 1/1995, do 24 de marzo, polo que se aproba o texto refundido da Lei do Estatuto dos traballadores, e no Real decreto 1040/1981, do 22 de maio, sobre rexistro e depósito de convenios colectivos de traballo. Esta delegación provincial,

ACORDA:

Primeiro.-Ordena-la inscrición do citado convenio colectivo no rexistro de convenios desta delegación, así como o seu depósito.

Segundo.-Remiti-lo texto do citado convenio colectivo á Dirección Xeral de Relacións laborais da Xunta de Galicia.

Terceiro.-Dispoñe-la súa publicación no Diario Oficial de Galicia e no BOP.

Lugo, 6 de novembro de 1996.

Manuel Bande Díaz

Delegado provincial de Lugo

Convenio colectivo da empresa Construcciones y Reparaciones Galaico-Asturianas, S.A. (Cyrgasa) para o seu centro de traballo en San Cibrao (Lugo)

Capítulo I

Ámbito de aplicación

Artigo 1º.-Ámbito territorial.

O presente convenio colectivo de traballo regula as condicións de traballo entre a empresa Cyrgasa e o seu persoal do centro de traballo de San Cibrao (Lugo).

Artigo 2º.-Ámbito persoal.

Afecta este convenio a tódolos traballadores da empresa que prestan os seus servicios na actualidade no centro de traballo de San Cibrao (Lugo), así como os que ingresen nel durante a súa vixencia, xa sexa por traslado doutros centros ou por contratación directa, con excepción do persoal considerado como fóra de convenio.

Artigo 3º.-Ámbito temporal.

O presente convenio subscríbese por dous anos, con vixencia desde o día un de xaneiro de mil novecentos noventa e cinco ata o trinta e un de decembro de mil novecentos noventa e seis.

Extinguido o prazo de vixencia, entenderase denunciado polas partes na forma que establece a lei. O comité de empresa presentaralle a esta un anteproxecto dun novo convenio antes do día un de novembro de mil novecentos noventa e seis e a negociación iniciarase non máis tarde do día un de febreiro de mil novecentos noventa e sete.

Capítulo II

Cláusulas xenéricas

Artigo 4º.-Vinculación á totalidade.

As condicións pactadas no presente convenio forman un todo orgánico e indivisible e, para efectos da súa aplicación práctica, serán consideradas no seu conxunto, en cómputo global.

Artigo 5º.-Condicións máis beneficiosas.

Respectaranse as condicións máis beneficiosas que, a título persoal, puidese ostentar calquera traballador afectado por este convenio.

Artigo 6º.-Cláusula de compensación e absorción.

As remuneracións que se establecen no presente convenio substitúen e compensan no seu conxunto tódalas retribucións e emolumentos de carácter salarial que viñese devengando o persoal con anterioridade á entrada en vigor deste, xa o fose por virtude do disposto na derrogada ordenanza de traballo, disposicións laborais concordantes, convenios colectivos anteriores, regulamento de réxime interior, pacto individual ou concesión graciable da empresa, sen que en ningún caso o traballador poida sufrir diminución na retribución global que viñese desfrutando.

Capítulo III

Xornadas e descansos

Artigo 7º.-Xornada de traballo.

Para o ano 1995 a duración máxima da xornada ordinaria efectiva de traballo será de 1.797 horas.

Para 1996 rexerá a prevista, se é o caso, no convenio provincial de Lugo para as industrias de siderometalurxia.

Non obstante, tendo en conta as razóns de orde funcional e organizativa que vinculan a empresa coa principal, considérase como xornada ordinaria a desta, para os traballadores que presten os seus servicios neste centro, asumíndose como propios os horarios e xornada da empresa principal, os excesos da cal se considerarán como xornada extraordinaria, podéndose compensar con descansos ou mediante a retribución extraordinaria correspondente.

No suposto de que algún traballador non puidese por razóns de mobilidade funcional, ou por outras causas non imputables a el, chegar a realiza-la xornada anual ordinaria, non poderá ser obrigado a completa-la dita xornada nin deducirse da súa nómina o importe das horas non traballadas. Pola contra, se algún traballador fose desprazado ou trasladado por necesidades de servicio, e logo dos trámites legais, a outro centro de traballo no que rexa a xornada de 1.797 horas anuais, ou outra superior á establecida como xornada ordinaria no centro de traballo de San Cibrao, estará obrigado a realiza-la dita xornada superior sen ningún incremento da retribución pactada neste convenio e sen prexuízo das restantes garantías previstas na lei.

Como consecuencia do compromiso contraído en canto á garantía de continuidade dos traballos de carga e descarga no porto, acórdase establecer tres quendas de traballo, que se iniciarán ás 6,14 e 22 horas respectivamente, unicamente durante os días en que sexa preciso realiza-la dita carga ou descarga e así o esixan as condicións desta, para o cal se organizarán os correspondentes equipos de traballo, nos que quedarán integrados tódolos traballadores do porto, que rotarán para efectuar estes servicios e horarios.

Este artigo terá vixencia en anos sucesivos.

Artigo 8º.-Vacacións.

Para o persoal que permanecese en alta na empresa durante todo o ano natural, as vacacións serán de vintedous días laborables.

Destes vintedous días laborables, os traballadores adscritos á xornada fraccionada que así o desexen poderán desfrutar vinte días laborables consecutivos, podendo toma-los dous restantes en calquera momento, sempre que se avise o mando cunha anticipación mínima de 48 horas e que o dito desfrute non afecte o proceso productivo de cada tarefa.

O persoal de novo ingreso ou incorporado de calquera situación que non teña dereito a vacacións terá dereito a desfrutar no dito ano un número de días proporcional ó tempo que se presupoña que leve de servicio o 31 de decembro do mesmo ano. Se, efectuado o cómputo, dese un número fraccionado, arredondarase, en todo caso, por exceso a favor do traballador.

Como norma xeral, as vacacións desfrutaranse na modalidade convida entre empresa e traballador. Non obstante, antes do día primeiro de novembro de cada ano a representación da empresa e a dos traballadores elaborarán, conxuntamente, un calendario de vacacións para o ano seguinte, establecéndose un perídodo para posibles reclamacións que finalizará o 30 do mesmo mes.

As tandas de vacacións para o persoal adscrito a réximes de traballo por quendas será de 28 días naturais consecutivos, podendo desfruta-los dous restantes en calquera momento, sempre que se avise o mando cunha anticipación mínima de corenta e oito horas e que o dito desfrute non afecte a máis dun traballador por quenda dentro de cada servicio ou sección.

Artigo 9º.-Horas extraordinarias.

Terán a consideración de horas extraordinarias as que excedan da xornada ordinaria de cada traballador, segundo o horario réxime de xornada asignada ó seu posto de traballo.

A prestación do traballo en horas extraordinarias realizarase de acordo cos preceptos contidos no artigo 35 do Estatuto dos traballadores.

En consecuencia, a súa execución por parte do traballador, dentro dos límites previstos no apartado 2 do dito texto legal, será voluntaria, salvo nos supostos que considera o apartado 3 do mesmo artigo, isto é, cando se trate de previr ou reparar sinistros ou outros danos extraordinarios e urxentes nos que será obrigatoria a prestación do traballo en horas extraordinarias sen que estas se computen dentro do límite máximo de horas autorizadas.

Así mesmo, acórdase que estas horas extraordinarias quedarán suxeitas ás normas do Real decreto 1858/1981.

Para tal efecto, a empresa informará mensualmente os delegados de persoal, non máis tarde do día 15 de cada mes, do número de horas extraordinarias realizadas por cada traballador e as súas causas.

Artigo 10º.-Descansos compensatorios.

De conformidade co previsto no artigo 40.3º do Real decreto 2001/1983, sobre regulación da xornada de traballo, xornadas especiais e descansos, convense

expresamente en que as horas extradordinarias que se realicen serán compensadas por tempos de descanso, conforme a regulación que se levará a cabo dentro de cada ciclo de vinteoito días.

Estes descansos compensatorios terán como finalidade non exceder dos topes de horas extraordinarias legalmente establecidos. Sen prexuízo do anterior, as partes asumen o compromiso de mante-la filosofía existente na actualidade para a realización e retribución das horas extraordinarias tratadas no parágrafo precedente e a retribución que para cada categoría figura na táboa salarial anexa.

En todo caso, o dereito a opción entre descansos compensatorios e a retribución como tales horas extraordinarias correspóndelles ós traballadores. Non obstante, caso de opta-lo traballador por descansos compensatorios, non poderán ser desfrutados naqueles días en que haxa carga ou descarga de buques.

Artigo 11º.-Permisos retribuídos.

Considéranse con dereito a retribución os permisos que na súa forma e extensión se citan a seguir:

1. Falecemento de pais, padrastros, avós, fillos, mesmo políticos, cónxuxes, netos, irmáns e irmáns políticos: tres días laborables, ampliables a cinco días en caso de necesidade de desprazamento a localidades distantes cen ou máis quilómetros do centro de traballo.

2. Parto da esposa: tres días laborables ampliables a cincos días no mesmo caso de desprazamento.

3. Casamento do traballador: quince días naturais e ininterrompidos.

4. En caso de enfermidade grave ou intervención cirúrxica que dea lugar a hospitalización de pais, padrastros, pais políticos, avós, cónxuxes, fillos, irmáns, irmáns políticos: dous días naturais ampliables a cinco días no mesmo caso de desprazamento.

5. En caso de casamento de pais, fillos, irmáns, mesmo políticos: un día natural, ampliable a tres días no mesmo caso de desprazamento.

6. Cambio de domicilio: un día natural.

7. Por renovación do carné de conducir: un día laborable. Para os traballadores que teñan a categoría profesional de conductores na empresa: o tempo necesario.

8. Citación xudicial: o tempo necesario.

9. Outros deberes inescusables de carácter público: o tempo necesario.

10. Eleccións e cargos públicos: o tempo necesario.

11. Citacións da Administración: o tempo necesario.

12. Citacións a quintas: o tempo necesario.

13. Asistencia a consulta médica de especialistas da Seguridade Social coincidindo o horario de consulta co de traballo, sempre que sexa por prescrición do médico de cabeceira, coa excepción daquelas especialidades que non requiran o dito trámite: o tempo necesario.

14. Asistencia a consulta do médico de cabeceira da Seguridade Social ou particulares: un máximo de ata dúas xornadas completas e como mínimo 16 horas/ano.

15. Doazón de sangue: o tempo necesario (mínimo de catro horas e resto segundo prescrición facultativa).

16. Falecemento de tíos carnais: un día laborable.

Artigo 12º.-Licencias non retribuídas.

Os traballadores poderán desfrutar de ata tres días de licencia ó ano, sen dereito a retribución, ampliables a cinco días en casos excepcionais debidamente xustificados, para resolver asuntos particulares, logo de petición do oportuno permiso cunha anticipación mínima de 48 horas á iniciación da quenda en que pretendan vacar. Estes permisos concederanse sempre que a súa aceptación non implique problemas funcionais para o servicio encomendado.

Capítulo IV

Contratación

Artigo 13º.-Formalización dos contratos.

Os contratos de traballo, sexa cal for a súa modalidade, formalizaranse por escrito e, se así o determina a lei, someteranse ó seu rexistro pola oficina de emprego. Así mesmo, daráselle conta ó comité de empresa e, se o traballador o solicitase, ó sindicato por el elixido, sempre que este teña sección sindical recoñecida no propio centro de traballo.

Contratos de aprendizaxe. En caso de que se realicen estes contratos, terase en conta o establecido na lei, excepto no referente ó salario, que será o seguinte:

-Primeiro ano: 100% do salario mínimo interprofesional. Segundo ano: 83% do salario do especialista. Terceiro ano: 90% do salario do oficial de 3ª.

Artigo 14º.-Período de proba.

O período de proba, que se concertará por escrito, será de dez días de traballo para os peóns e especialistas e de trinta días para os oficiais.

Artigo 15º.-Eventualidade.

Os traballadores contratados co carácter de eventuais ou por tempo determinado, ó final da vixencia dos seus contratos de traballo pasarán á situación de fixos de obra, sempre e cando existan na empresa traballos da súa especialidade e categoría nos que poidan ser acoplados.

Igual criterio se seguirá no suposto de que, aínda non habendo postos vacantes da súa propia categoría, se os houbese doutra categoría inferior e especialidade apropiada ós coñecementos do traballador e sempre que este o solicite e acepte as condicións correspondentes ó novo posto de traballo.

Capítulo V

Fondo asistencial

Artigo 16º.-Fondo asistencial.

16.1. Fins.

Constitúese un fondo para fins asistenciais que terá por obxecto:

a) Cubrir ata o 100% do salario real garantido polo convenio ó persoal en situación de ILT, tanto derivada de enfermidade común como de accidente non laboral, así como a que teña a súa orixe en accidente laboral ou enfermidade profesional. O dito complemento devengarao o traballador nas seguintes condicións:

a.1. Con carácter xeral a partir do 16º día de baixa por enfermidade común ou accidente non laboral. Sen prexuízo do anterior, ámbalas partes comprométense a que a través da comisión do fondo se estudien os índices medios de absentismo dos tres últimos anos para, logo de exclusión de determinadas enfermidades e accidentes de circulación; fixar un índice de referencia para soste-la dita prestación de enfermidade, índice que deberá ser fixado pola comisión xestora nun prazo máximo de 6 meses.

Ámbalas partes acordan que se se incrementan os ditos índices non sería posible soste-lo nivel asistencial previsto e, no dito caso, debería retornarse á prestación a partir do 31º día de baixa.

a.2. A partir do primeiro día, en caso de intervención cirúrxica que requira hospitalización e no suposto de ingreso hospitalario sempre que a permanencia no centro supere os 15 días.

a.3. En todo caso, o complemento extinguirase ó causar alta o traballador ou pasar á situación de invalidez provisional ou á incapacidade permanente en calquera dos seus graos.

b) O dito complemento cubriralle, así mesmo, o 100% do importe das pagas extraordinarias, no suposto de ter permanecido de baixa por enfermidade ou accidente durante todo ou parte do semestre anterior ó pagamento de tales gratificacións. O dito dereito nace desde o primeiro día de baixa.

En todo caso, de causar baixa na empresa antes da finalización do semestre, aboaráselle a parte proporcional no momento da liquidación.

16.2. Beneficiarios.

Serán beneficiarios tódolos traballadores comprendidos no ámbito de aplicación do presente convenio e que se regulen por el.

O traballador que por calquera causa cesase no cadro de persoal da empresa non terá dereito a reclamar do fondo as cantidades por el aportadas.

16.3. Solicitude de axuda.

O traballador que cause baixa por enfermidade ou accidente solicitará da comisión xestora a concesión da axuda que, de acordo coas presentes normas, lle corresponda.

Cando a xuízo da comisión xestora existan indicios razoables para presumir algunha irregularidade na situación de baixa, poderá requiri-lo traballador para

se someter a un recoñecemento dun médico designado por aquela, sendo a cargo do fondo os gastos orixinados por este recoñecemento.

Para a adopción desta medida será inescusable a opinión unánime ou polo menos maioritaria da comisión xestora.

16.4. Dotación do fondo.

O fondo nutrirase da aportación do 1% da base de cotización da Seguridade Social por parte do traballador, mesmo se se encontra en situación de ILT, que será deducido mensualmente da súa nómina e dunha porcentaxe de igual contía a cargo da empresa.

16.5. Da comisión xestora.

A comisión xestora estará formada por catro membros, dous en representación dos traballadores e outros dous en representación da empresa. A representación dos traballadores será nomeada de entre os membros do comité de empresa. Será presidente o que a comisión designe por unanimidade ou, se é o caso, por maioría, e secretario un vocal da comisión que será nomeado de forma trimestral, tendo en conta que a designación recaerá, alternativamente, unha vez entre os representantes dos traballadores e a seguinte entre os da empresa.

A validez dos acordos da comisión xestora requirirá a maioría absoluta dos seus compoñentes.

Será misión da comisión xestora o control e exacto cumprimento da presente normativa.

Mensualmente a comisión xestora porá en coñecemento dos traballadores, a través dos taboleiros de anuncios, os acordos tomados e o estado das contas.

16.6. Situación do fondo.

O fondo estará situado nunha conta bancaria ó dispor da comisión xestora, sendo imprescindible a sinatura mancomunada de dous dos seus membros, un dos designados polos traballadores e outro dos nomeados pola empresa, para a retirada dos fondos.

Os ingresos na conta faranse mensualmente, unha vez aboadas as cantidades acordadas pola comisión xestora. A retirada de fondos farase igualmente de forma mensual, unha vez acordadas as axudas que correspondan pola comisión xestora.

16.7. Importe máximo do fondo.

O importe máximo do fondo, computado mensualmente, unha vez liquidadas tódalas axudas previstas nos fins deste fondo asistencial, non poderá exceder dun millón (1.000.000) de pesetas.

No caso de que durante 3 meses consecutivos se supere o dito límite, a comisión xestora deberá promover unha reducción das aportacións dos próximos meses ata situarse no límite.

O 30 de xuño e o 30 de novembro farase unha revisión das dispoñibilidades do fondo e, se estas non permitisen cubri-las axudas previstas no apartado 16.1º do presente capítulo, a comisión xestora establecerá unha aportación extraordinaria, que se satis

fará entre empresa e traballadores, a partes iguais, nas pagas extraordinarias de xullo e Nadal respectivamente.

Do mesmo xeito, no suposto de se producir algunha situación excepcional derivada de feitos imprevisibles e realmente graves (por exemplo: un accidente colectivo) que fixese insuficiente o saldo do fondo dispoñible para aboa-las cantidades pactadas, a comisión xestora solicitará da comisión de vixilancia do presente convenio a xestión ante a empresa e ante os traballadores para establecer unha cota extraordinaria, suficiente para facer fronte a tales axudas.

16.8. Cancelación do fondo.

A comisión xestora poderá propo-la cancelación do fondo e, se así o aproba a empresa e asemblea de traballadores, dispor da distribución do activo en axudas de tipo social. A dita medida, en calquera caso, deberá coincidir co final da vixencia do convenio colectivo. A cancelación do fondo será obrigatoria no suposto de que se producise o peche do centro de traballo.

16.9. Accidentes de traballo.

A cobertura que se establece no presente artigo para o persoal en situación de ILT, cando sexa derivada de accidente de traballo, aplicarase desde o primeiro día da baixa e será a cargo exclusivo da empresa.

16.10. Aportacións extraordinarias.

De conformidade cos acordos alcanzados durante a negociación do presente convenio colectivo, a empresa fará unha aportación ó fondo asistencial co carácter de extraordinaria e por unha soa vez, equivalente ó 3,50% dos devengos salariais dos traballadores actualmente no cadro de persoal e que correspondan ó período 1-1-1995, a 30-6-1995.

Á cantidade resultante da porcentaxe sinalada anteriormente engadiránselle tamén por unha soa vez ás que a seguir se indican, de acordo coa categoría profesional que ostente cada traballador e suposta unha plena presencia no período anteriormente sinalado.

Oficial de 1ª: 10.018. ptas.

Oficial de 2ª: 9.635 ptas.

Oficial de 3ª: 9.305 ptas.

Especialista: 8.856 ptas.

Peón: 7.567 ptas.

Autorízase a comisión xestora para que durante o ano 1995 e de forma extraordinaria destine a aportación anteriormente sinalada ós fins sociais que a dita comisión coide oportunos.

Capítulo VI

Outras atencións sociais

Artigo 17º.-Seguro coletivo.

Para cubrir na medida do posible as consecuencias derivadas do falecemento ou incapacidade total ou absoluta do traballador a consecuencia de accidente de traballo, establécese un seguro colectivo con cargo

á empresa por dous millóns seiscentas mil pesetas en caso de falecemento e de tres millóns cento vintecinco mil pesetas para o caso de invalidez total ou absoluta.

Artigo 18º.-Axuda de comida.

Establécese unha axuda de comida, a contía da cal figura nas distintas táboas salariais anexas, que engrosará unha bolsa de vacacións e farase efectiva ós traballadores ó comezo do seu período vacacional. O persoal de novo ingreso percibirá a parte proporcional ó tempo traballado. Esta cantidade non será absorbible durante a vixencia do presente convenio.

Artigo 19º.-Roupa de traballo e aseo.

O traballador terá dereito a dúas fundas ou traxes de traballo, a escoller polo traballador, por cada ano de servicio prestado e a un terceiro en caso de necesidade, así como á entrega de dúas toallas por ano. Ó persoal de novo ingreso faráselle entrega de igual dotación, sempre que a súa contratación sexa superior a seis meses.

A empresa comprométese a manter en todo momento un stock suficiente para facilita-las entregas necesarias, así como a mellora-lo tamaño e calidade das toallas e demais roupa de traballo, se fose necesario.

Corresponderalle ó comité de seguridade e hixiene coidar do cumprimento do precedente compromiso.

Non obstante, nos traballos excepcionalmente sucios, como son a brascaxe e fornos de cocción, o número de pezas de roupa a entregas será de tres en vez de dúas, sen prexuízo de que así mesmo sexan atendidos en calquera emerxencia.

Artigo 20º.-Recoñecemento médico.

Os traballadores deberanse someter a un recoñecemento médico anual, realizado polos servicios médicos que a empresa designe e terán dereito a un segundo recoñecemento cando existan causas que así o aconsellen.

Capítulo VII

Órganos de representación e participación

Artigo 21º.-Comité de empresa.

O comité de empresa é o órgano máximo de representación colexiada do persoal no centro de traballo.

Os compoñentes do comité de empresa disporán dun crédito de dezaseis horas mensuais, retribuídas como horas realmente traballadas, para o exercicio das súas funcións.

As ditas horas poderán ser computadas bimensualmente en forma global e distribuídas entre os seus membros segundo o seu propio criterio.

Quedan excluídas do conxunto destas horas as que correspondan a reunións convocadas pola dirección da empresa e as dedicadas á negociación colectiva.

O comité de empresa disporá dun local para o desenvolvemento das súas funcións. Disporase, así mesmo, dun taboleiro de anuncios. Os membros do comité de empresa ou delegados de persoal non poderán ser

despedidos nin sancionados dentro do período do exercicio das súas funcións, nin nos dous anos seguintes ó seu mandato, sempre que o despedimento ou sanción se basee na acción do traballador no exercicio das súas funcións.

Se a representación dos traballadores o solicita, a empresa adquire o compromiso de celebrar reunións con carácter trimestral, onde informará a dita representación do establecido nos artigos 64 e 65 do Estatuto dos traballadores.

Artigo 22º.-Seccións sindicais.

A empresa recoñece as seccións sindicais no seu seo e outórgalles ós seus membros as mesmas grantías que ós membros do comité de empresa.

As distintas seccións sindicais poderán:

a) Facer propaganda sindical ou laboral a través do taboleiro de anuncios asignado ó comité de empresa.

b) Cobra-las cotas sindicais dentro do horario de traballo sen interrompe-lo proceso productivo.

c) En caso de solicitalo, cobra-las cotas sindicais a través da nómina, coa autorización expresa do interesado.

d) Convocar asembleas fóra do horario de traballo.

e) As seccións sindicais presentes na sinatura deste convenio desfrutarán dun crédito mensual de dezaseis horas cada unha para o exercicio das súas actividades. A central sindical presente na sinatura deste convenio é a CIG.

Artigo 23º.-Comité de seguridade e hixiene.

O Comité de Seguridade e Hixiene estará formado por un máximo de tres membros elixidos en asemblea, que representarán os distintos departamentos da empresa.

As súas funcións irán encamiñadas a controlar e velar polo cumprimento da lexislación en materia de seguridade e hixiene. Se o risco de accidente for inminente, o Comité de Seguridade e Hixiene poderá acorda-la paralización das actividades ata que sexa solucionado o motivo de perigo.

O Comité de Seguridade e Hixiene estará reunido unha vez ó mes dentro das horas de traballo, sen prexuízo daqueles casos especiais que pola súa gravidade requiran unha reunión extraordinaria.

Artigo 24º.-Dereito de reunión e asemblea.

As asembleas de traballadores que se realicen no centro de traballo rexeranse de conformidade coa normativa vixente, moi especialmente en canto á facultade de convocatoria, presidencia daquelas, persoas alleas á empresa que teñan de asistir, orde do día dos asuntos que se van tratar, comunicación á dirección da empresa, forma de realización, lugar de reunión, votacións e demais dereitos e obrigas.

Cando se trate de asembleas informativas sobre negociación colectiva, deberanse cumprir ademais dos requisitos expostos os seguintes:

a) que se lle comunique ó xefe de obra cunha anticipación mínima de 48 horas.

b) que a súa realización teña lugar fóra das horas de traballo. Neste caso, a empresa aboará, con carácter de ordinarias, ata un máximo de tres horas anuais.

Capítulo VIII

Retribucións

Artigo 25º.-Conceptos retributivos.

A retribución estará integrada polos conceptos retributivos que se indican a seguir e a contía dos cales figura recollida no anexo salarial:

-Salario base.

-Plus de asistencia.

-Plus de traballos tóxicos, penosos e perigosos.

-Plus de desprazamento, mobilidade e transporte.

-Plus de xefatura de equipo.

-Plus de nocturnidade.

-Plus de traballo a quendas.

-Plus de gratificacións extraordinarias.

-Horas extraordinarias.

-Vacacións.

-Axuda de comida.

-Primas por gamas de producción.

-Axudas de custos.

-Antigüidade.

Artigo 26º.-Regulación dos distintos conceptos.

26.1. Salario base, vacacións, plus de asistencia, plus de traballos tóxicos, penosos e perigosos, plus de desprazamento, mobilidade e transporte. Segundo táboas salariais anexas.

26.2. Nocturnidade.

Terán a consideración de traballos nocturnos os efectuados entre as 22 horas e as 6 horas, respondendo a súa regulación ós seguintes criterios:

a) Traballando no dito período menos de catro horas, cobrarase a bonificación das catro horas traballadas no período nocturno.

b) Se exceden de catro horas as realizadas no dito período, devengarase a bonificación correspondente a tódalas horas da xornada, estean ou non comprendidas no dito período nocturno.

c) A súa contía figura nas táboas salariais anexas.

26.3. Plus de quendas.

Polo feito de desempeña-lo traballo en réxime de quendas, percibirase un plus por cada día natural de permanencia na dita situación; os seu valores figuran nas táboas salariais anexas, equivalentes ó 20% do salario base.

Ningún traballador se poderá opor a ocupar, en calidade de correquendas a quenda de traballo que lle ordene a empresa para substituí-la ausencia do titular, precedendo aviso segundo a práctica de costume.

Se por este motivo chegase un traballador a realiza-la dita función de correquendas durante 115 días ou máis ó ano, cobrará o plus de quendas durante todo o ano.

26.4. Xefatura de equipo.

O persoal que desempeñe a función de xefe de equipo percibirá un plus por cada día traballado nesta situación; os seus valores figuran nas táboas salariais anexas.

26.5. Plus de desprazamento, mobilidade e transporte.

Co fin de compensa-los traballadores das incomodidades e posibles gastos pola mobilidade a que se ven sometidos, establécese un plus de desprazamento, mobilidade e transporte na contía que figura nas táboas salariais anexas e que libera a empesa de toda outra prestación por este concepto. Non obstante, a aqueles traballadores que actualmente veñen sendo transportados por conta da empresa e desexen conservar tal beneficio, prestaráselle esta a título persoal, entendéndose que, en tal suposto, o importe do plus de desprazamento, mobilidade e transporte, sufrirá unha deducción de 236 pesetas días para o ano 1995 e a porcentaxe que resulte de acordo co incremento salarial para 1996.

26.6. Horas extraordinarias.

O valor de cada hora extraordinaria traballada, segundo a súa distinta clasificación, é o que figura nas táboas salariais anexas.

26.7. Gratificacións extraordinarias.

O número de gratificacións extraordinarias é de dúas:

-Gratificación do 25 de xullo.

-Gratificación de Nadal.

Cada unha destas pagas terá o valor que figura nas táboas salariais anexas, e aboaranse, como máximo, o día anterior ó 16 de xullo e 20 de decembro, respectivamente.

Estas gratificacións serán aboadas en proporción ó tempo traballado, rateándose cada unha delas por semestres naturais do ano en que se devenga.

26.8. Primas por gammas de producción.

26.8.1. Prima de carga e descarga.

Establécese unha prima en función da tonelaxe de carga e descarga de buques, da seguinte contía:

Do 1-1 ó 31-6-95 Do 1-7 ó 31-12-95

Por cada 1.000 t de carga de alumino e ánodos 1.029 ptas. 1.251 ptas.

Por cada 1.000 t de descarga de bauxita 120 ptas. 124 ptas.

Por cada 1.000 t de descarga de coque 2.182 ptas. 2.258 ptas.

Estas entidades seranlles aboadas ós traballadores actualmente asignados ó cadro de persoal dos servicios

do porto e que ascenden a 31, na forma que a seguir se expresa:

-Pártese dunha previsión anual de carga e descarga para os anos 1995 e 1996 de 110.000 t de carga de aluminio e ánodos, 1.200.000 t de descarga de bauxita, 75.000 t de descarga de coque.

-Estas previsións, distribuídas entre os 31 traballadores do cadro de pesoal, dan unha prima da contía que figura nas táboas salariais anexas, suposta unha plena presencia, que percibirán tódolos meses de traballo, excepto o de vacacións.

-As faltas de asistencia nos días de carga e descarga, sexa cal for o motivo da ausencia, levará consigo a deducción da parte proporcional correspondente, que se estima nun onceavo da prima mensual por cada día de traballo de carga e descarga.

-A prima mensual por carga e descarga que se fixa no punto dous enténdese como unha garantía provisional da que realmente corresponde pola tonelaxe efectiva que se realice durante o ano, se ben se fará un seguimento semestral de resultados.

-No suposto de que a tonelaxe efectivamente cargada ou descargada fose superior á prevista, a diferencia resultante por aplicación da tarifa pactada aboaráselles ós traballadores.

Pola contra, se a tonelaxe efectivamente cargada ou descargada fose inferior á prevista, a empresa tomará ó seu cargo, isto, sen desconto ningún a cargo dos traballadores, a diferencia ata un 20% e unicamente deducirá ós traballadores nas primas do semestre seguinte o que exceda do dito 20%, sen prexuízo da liquidación final que ó final do ano corresponda.

-O conxunto das pestacións que se regulan anteriormente implica o compromiso para os traballadores de garanti-la carga e descarga de barcos sen solución de continuidade, para o cal:

a) Quedarán distribuídos en tres quendas de traballo, cando as necesidades da carga e descarga así o requiran, rotándose estes equipos na súa participación nas tres quendas citadas.

b) Os traballadores que laboren na quenda de noite desfrutarán de descanso o día de saída, coincidindo co final da carga e descarga.

26.8.2. Brascaxe.

Os traballadores que presten os seus servicios en brascaxe percibirán as seguintes primas dentro da súa gamma de producción.

-Por facer unha xunta pequena percibirán a retribución correspondente a unha xornada ordinaria, sexa cal for o tempo empregado.

-Por facer unha xunta grande aboaráselle-la retribución correspondente a unha xornada ordinaria, sexa cal for o tempo empegado máis unha prima por xunta; a súa contía figura nas táboas salariais anexas.

Os traballadores afectos a esta instalación, suposta unha plena presencia e unha producción media de

dez cubas por mes, percibirán unha prima mínima, a contía da cal figura nas táboas salariais anexas.

Á hora de efectua-los traballos de xunta grande e pequena enténdese como parte integrante do equipo, para tódolos efectos, o productor que atende a fragua.

26.8.3. Carretilleiros.

Os carretilleiros, independentemente das primas que lles corresponden por participar na carga e descarga no porto, percibirán un complemento condicionado a te-la máquina en perfecto estado de conservación en todo momento e a súa contía figura nas táboas salariais anexas.

26.8.4. Operador de guindastre.

Participarán na proporción que lles corresponda na prima de carga e descarga no porto.

26.8.5. Fornos de cocción de ánodos.

Os traballadores que presten os seus servicios en fornos de cocción de ánodos, suposta unha plena presencia e un rendemento correcto, percibirán unha prima da contía que se establece nas anexas táboas salariais.

29.6. Antigüidade.

Os traballadores comprendidos no presente convenio percibirán aumentos periódicos por anos de servicio consistentes no aboamento de trienios na contía do 4% do salario base correspondente á categoría na que estean clasificados, os valores da cal figuran nas táboas salariais anexas e que percibirán nos once meses de presencia efectiva no traballo.

26.10. Axudas de custo.

As axudas de custo, para a regulación das cales se terá en conta o disposto na derrogada ordenanza siderometalúrxica, aboaranse na contía que se reflicte nas táboas salariais anexas.

De acordo coa dita ordenanza, deséxase facer fincapé en que, se por circunstancias especiais, os gastos orixinados polo desprazamento superan o importe das axudas de custo, o exceso deberá ser aboado pola empresa logo de recoñecemento desta e posterior xustificación polos traballadores.

Artigo 27º.-Mobilidade funcional e traballos de categoría superior.

En caso de necesidade, ben sexa por falta de traballo na propia instalación ou por calquera outra emerxencia, os traballadores estarán obrigados a prestar servicios en calquera outra instalación ou traballo que lle sexa encomendado polos seus mandos, sen outras limitacións que as sinaladas no artigo 39 do Estatuto dos traballadores e sen prexuízo do respecto dos seus dereitos profesionais e económicos que se preveñen no citado texto legal.

Se o exercicio de tales traballos supuxese a realización de funcións de categoría superior, pero non procedese legal ou convencionalmente o ascenso á dita categoría, o traballador terá dereito á diferencia

retributiva entre a categoría asignada e a función que efectivamente realice.

Cando a realización de tales funcións superiores fose por un período superior a catro meses consecutivos nun ano, outorgaráselle a dita categoría superior.

1. Ascensos.

De conformidade cos acordos alcanzados durante a negociación do presente convenio, créase unha comisión paritaria que actuará en todo o referente a ascensos, seguindo o establecido no artigo 24 do Estatuto dos traballadores.

Estará formada polos mesmos representantes que figuran na comisión de interpretación e vixilancia do convenio. Será paritaria para efectos de votación e as decisións tomaranse por maioría simple.

A primeira reunión celebrarase 15 días despois de asinado o convenio, e a súa primeira misión será redacta-lo artigo que regule o seu funcionamento e actuación.

O articulado resultante anexarase ó convenio en acta complementaria.

Artigo 28º.-Días de pagamento e anticipos.

A liquidación de cada mensualidade farase efectiva o venres máis próximo o día 15 de cada mes e, como data límite, o propio día 15.

Para cobrar enténdese que o traballador non poderá abandona-lo posto de traballo, polo que a empresa fará efectivos os salarios correspondentes mediante transferencia bancaria domiciliada. Esta comprométese a que a lista de transferencias estea en poder do banco con que esta traballa, polo menos un día antes da data de pagamento.

Non obstante, o persoal terá dereito a percibir, se o solicita, un anticipo mensual que non poderá exceder do 90% dos salarios devengados. O pagamento farase efectivo o día 28 de cada mes, ou o anterior hábil, se aquel coincidese con domingo ou festivo, efectuándose o aboamento como na actualidade.

Os días de pagamento de nómina nos meses sucesivos son os que se detallan a seguir:

Nómina mes	Data pagamento	Nómina mes	Data pagamento

Agosto-95	15-9-95	Setembro-95	1-3-10-95
Outubro-95	1-5-11-95	Novembro-95	13-10-95
Decembro-95	12-1-96	Xaneiro-96	15-2-96
Febreiro-95	15-3-96	Marzo-96	12-4-96
Abril-96	15-5-96	Maio-96	14-6-96
Xuño-96	12-7-96	Xullo-96	14-8-96
Agosto-96	13-9-96	Setembro-96	1-1-10-96
Outubro-96	15-11-95	Novembro-96	1-3-12-96
Decembro-96	15-1-97

Artigo 29º.-Préstamos.

Créase un fondo se préstamos sen xuros de dous millóns de pesetas, ó dispor dos traballadores.

A súa regulación está concretada no regulamento específico, aprobado no seu día pola comisión mixta

e que se incorpora como anexo a este convenio.

Artigo 30º.-Incremento salarial.

Durante o ano 1995 as retribucións salariais son as que figuran nas táboas anexas.

Cláusula de revisión salarial.

En caso de que o IPC real estatal rexistrase o 31-12-1995 un incremento superior ó 3,5% respecto á cifra que resultar do dito IPC o 31-12-1994, efectuarase unha revisión salarial no exceso sobre a indicada cifra, tan pronto se constate oficialmente a dita circunstancia e con efectos do 1 de xaneiro de 1995.

Se procedese revisión, a diferencia será feita efectiva coa nómina do mes en que se coñeza oficialmente e aplicarase sobre as táboas retributivas de 1995, que figuran incorporadas a este convenio.

As táboas que servirán de base para fixa-los salarios de 1996 serán as vixentes o 31-12-1994, incrementadas co IPC real estatal do ano 1995.

O incremento para 1996 efectuarase de acordo coa seguinte normativa:

Coñecidas as táboas que servirán de base para fixa-los salarios de 1996, estas veranse incrementadas co IPC previsto polo Goberno para 1996 máis 0,50 puntos.

Cláusula de revisión salarial.

No caso de que o IPC real estatal rexistrase o 31-12-1996 un incremento superior ó IPC previsto polo Goberno para o dito ano máis 0,50 puntos, respecto á cifra que resultar do dito IPC o 31-12-1995, efectuarase unha revisión salarial no exceso sobre a indicada cifra máis 0,50 puntos, tan axiña como se constate oficialmente a dita circunstancia e con efectos do 1 de xaneiro de 1996.

Se procedese revisión, a diferencia será feita efectiva coa nómina do mes en que se coñeza oficialmente e aplicarase sobre as táboas retributivas vixentes o 1-1-1996.

As bases para a negociación colectiva do ano 1997 no que a salarios se refire serán as táboas vixentes o 1-1-1996 incrementadas coa revisión sinalada no parágrafo precedente, se proceder.

Co obxecto de lograr unha maior uniformidade nas percepcións mensuais, o concepto retributivo de vacacións para 1996 verase incrementado en 7.500 pesetas.

O dito importe permanece fixo e inalterable durante todo o ano 1996, polo que non estará suxeito a revisión ningunha e quedará incorporado ás táboas que se fixen para a negociación de 1997.

Disposicións derradeiras

Primeira.-Comisión de interpretación e vixilancia.

Co obxecto de velar polo cumprimento do convenio nos termos pactados e dirimir cantas cuestións suscite

a súa aplicación, créase a presente comisión paritaria, composta por:

Representación da empresa:

José Angel Corral Leciñana.

José Luis García Alonso.

Antonio Íñigo Bartolomé.

Representación dos traballadores:

José Ramón Fernández Rodríguez.

José Ramón Rodríguez Chao.

Pedro Vizoso Blanco.

A comisión será paritaria para efectos de votación e as decisións tomaranse por maioría simple. As posibles discrepancias serán sometidas á autoridade competente.

Segunda.-Normativa complementaria.

Para o non previsto no presente convenio, aplicarase o disposto na derrogada ordenanza de traballo para a actividade de limpeza de edificios e locais, Estatuto dos traballadores e demais disposicións legais vixentes.

Terceira.-Especialistas de carga e descarga no porto.

Creada a categoría profesional de especialista de carga e descarga no porto, as súas funcións serán as seguintes: as mesmas que veñen realizando na actualidade relacionadas coa carga e descarga de buques, así como as demais atencións portuarias, pasando, en ausencia desta actividade, a ocuparse das propias de peón que lles foron encomendadas pola dirección da empresa.

Cuarta.-Acordo de formación continua.

Durante a vixencia do presente convenio, as repesentacións asinantes del establecerán un calendario de reunións co fin de regular un sistema de formación profesional continua que afectará a tódolos traballadores encadrados no seu ámbito de aplicación e que permita mellora-los seus coñecementos profesionais e a capacidade productiva dos seus métodos de traballo.

Acta complementaria do convenio colectivo para 1995 da empresa Construcciones y Reparaciones Galaico-Asturianas, S.A. (Cyrgasa) para o seu centro de traballo en San Cibrao

-Asistentes.

Polos traballadores:

José Ramón Fernández Rodríguez.

José Ramón Rodríguez Chao.

Pedro Vizoso Blanco.

Héctor Rodríguez Ben.

Eduardo Cora Insua.

Pola empresa:

José Ángel Corral Leciñana.

Luis Ángel Fernández Lozano.

En San Cibrao (Lugo), e na data que consta na acta de outorgamento, reúnense os arriba relacionados, que integran a comisión deliberadora do convenio

colectivo da empresa Construccións e Reparacións Galaico-Asturianas, S.A. (Cyrgasa), co obxecto de concretar e puntualizar determinados aspectos que se derivan da posta en aplicación do convenio colectivo e recoller outros acordos complementarios ó seu texto articulado.

1. Persoal por quendas.

Tendo en conta as especiais circunstancias que concorren neste persoal, razóns de organización aconsellan como sistema menos perturbador en el aspecto funcional, que continúen guardando el mismo sistema de relevos e de descansos cíclicos que veñen observando, establecéndose un programa complementario de descansos acumulados, o calendario do cal se concretará mediante posterior acordo entre comité e empresa, de conformidade coas posibilidades funcionais de cada instalación. O desfrute deste período complementario será obrigatorio.

2. Mensualización da nómina.

As retribucións que, para cada categoría, figuran nas táboas salariais anexas ó convenio colectivo salario anual, corresponden á xornada pactada no artigo 7, en cómputo anual, suposta plena presencia.

Non obstante, por acordo das partes e malia a irregularidade na distribución da xornada, co obxecto de manter unha certa uniformidade nas percepcións mensuais dos traballadores, coa excepción do mes de vacacións, as ditas retribucións aboaranse en once mensualidades, o importe das cales mensual e diario, suposta unha plena presencia, aparece reflectido na segunda e terceira columna das citadas táboas salariais.

3. Axuda de economato.

Conforme o pactado en anteriores negociacións quedou eliminada a chamada axuda de economato, o importe da cal quedou integrado nas pagas extras de xullo e Nadal, entendéndose, non obstante, que a dita integración non desvirtúa a natureza e finalidade da axuda expresada en convenios anteriores.

4. Información sobre tonelaxe de carga/descarga.

A empresa informará mensualmente os delegados de persoal da tonelaxe de carga-descarga de barcos, para os efectos de coñece-las posibles desviacións entre as previsións estimadas e os resultados reais.

5. Garantía persoal de transporte.

Con respecto á garantía persoal que se cita no apartado 26.5º do texto articulado, aclárase que as únicas persoas afectadas pola dita garantía son aquelas que, permanecendo actualmente en activo, figuren relacionadas na acta que sobre este tema se outorgou o pasado 1981.

6. Comidas ou ceas.

A aqueles traballadores ós que, por falta de relevo ou por calquera outra emerxencia imprevista, se lles ordene dobra-la súa xornada, solicitaráslle-la comida ou cea, se non poden abandona-lo centro de traballo.

Aboaráselle-lo seu importe a prezo menú do día se se lles pode autoriza-la saída para a efectuar fóra do centro de traballo, pero non no seu domicilio, contra entrega da factura correspondente.

7. Comisión de estudio.

Acórdase constituír unha comisión paritaria entre membros do comité e da empresa que terá como misión a de estudia-las condicións de traballo daqueles postos ou tarefas en que polas súas especiais características de dificultade ou risco, sexa conveniente, a xuízo de ámbalas partes, establecer algún tipo de prima ou incentivo con vistas á súa consideración nun próximo convenio.

E en proba de conformidade con canto antecede, asínase a presente acta no lugar e data reseñados no encabezamento.

-Regulación do artigo 29. Préstamos.

Tódolos traballadores afectados por este convenio terán dereito á percepción de préstamos conforme a normativa seguinte:

a) A súa contía por traballador será como máximo o equivalente a 3 meses do seu salario base.

b) A devolución efectuarase en 12 fraccións iguais, coincidentes coas mensualidades dos 12 meses naturais seguintes á súa percepción.

c) O vencemento da débeda, en caso de finalización da relación laboral, producirase de forma automática e na totalidade da contía do pendente no mesmo momento de se producir aquela.

d) Os préstamos previstos neste apartado terán un límite máximo de diñeiro en circulación para o conxunto dos traballadores afectados no convenio de 2.000.000 de pesetas.

e) Mensualmente, a comisión paritaria facilitaralle ó conxunto dos traballadores información relativa ó estado de amortizacións e novas peticións:

O regulamento de concesión dos anticipos será o seguinte:

-Regulamento dos préstamos a que se refire o convenio colectivo para 1995-96 no seu artigo nº 29.

-Obxecto e ámbito de aplicación.

Artigo 1º

O obxecto e ámbito de aplicación do presente regulamento consiste na regulación dos préstamos establecidos no artigo nº 29 do convenio colectivo e que esta empresa outorga ó seu persoal fixo de obra.

-Solicitude, forma, motivos:

Artigo 2º

A solicitude de petición deberase dirixir á comisión paritaria (empresa/comité de empresa). Esta comisión formarana as mesmas persoas que as do fondo asistencial, facendo constar na dita solicitude o seguinte:

a) Identidade do solicitante.

b) Circunstancias dos familiares que permanentemente convivan con el.

c) Circunstancias persoais referidas á petición.

d) Outros datos que o peticionario considere de interese, para identificar e xustifica-lo obxecto a adquirir ou gasto a realizar, facturas, orzamentos, etc., que fundamenten a petición do préstamo.

-Requisitos e preferencias para a súa concesión.

Artigo 3º

No referente á regulación do artigo 29º do mencionado convenio, os traballadores, ante unha necesidade debidamente xustificada, poderán solicitar un préstamo de contía que non poderá exceder de tres mensualidades do seu salario base.

Os requisitos e preferencias serán os seguintes:

a) A quen nunca se lle outorgase outro préstamo.

b) Existencia dalgunha enfermidade, ben no traballador, ben nalgún membro da familia que habitualmente conviva con el e orixine gasto extraordinario.

c) Reparacións necesarias para a normal conservación e utilización da vivenda habitual.

d) Reformas importantes na vivenda, por aumento de familiares a cargo do empregado. Adquisición de enxoval para esta.

e) Axuda económica necesaria para levar a cabo a titulación oficial da vivenda habitual mediante escritura pública.

f) Persoal solteiro que vaia contraer matrimonio nun prazo máximo non superior a 3 meses, contados a partir da data de petición.

g) Por bautizo, comuñón ou matrimonio dun fillo.

h) Traballadores con aumento de familiares ó seu cargo.

i) Traballadores con menor poder adquisitivo.

j) Traballadores que realicen o segundo ou sucesivos equipamentos da súa vivenda e que non teñan pendente de reintegro ningún préstamo coa empresa.

k) Seren desaloxados da vivenda habitual que ocupa por algunha causa, allea á propia vontade, e ter que adecua-lo seu enxoval.

l) Outras circunstancias imprevistas que, a criterio da comisión paritaria, motiven dificultades económicas importantes ó traballador.

-Fondo, contía do crédito e amortizacións.

Artigo 4º

De conformidade co artigo 29º do convenio colectivo, establécese un fondo de 2.000.000 de pesetas. Igualmente, o importe máximo do préstamo que se concederá será o equivalente a 3 mensualidades do seu salario base que figura na táboa salarial do citado convenio.

Artigo 5º

De acordo co citado artigo, o prazo máximo de amortización será de 12 pagas consecutivas, dentro dun ano, contado a partir do mes seguinte ó da data da súa concesión, non devengando xuro ningún.

Artigo 6º

Así mesmo, respecto a este préstamo, indícase que non se poderá solicitar de novo ata non ter liquidado totalmente o anterior.

-Obrigas do traballador.

Artigo 7º

O traballador deberalle entregar á comisión paritaria unha copia do documento que xustifique o gasto que vai realizar.

Artigo 8º

O traballador deberá destinar, única e exclusivamente, o préstamo para o uso ó que se autorizou.

Artigo 9º

A comisión paritaria obrigará a amortizar anticipadamente o préstamo nos seguintes casos:

a) Por falsidade dalgún dos datos solicitados.

b) Que exista manifesto incumprimento das normas establecidas no regulamento.

c) Por extinción da relación laboral coa empresa.

Táboa salarial da empresa Cyrgasa. Ano 1995

Categoría: oficial 1ª

Do 1-1-1995 ó 30-6-1995

Conceptos	Salario anual	Salario mensual	Salario diario

Salario base	914.794	83.163	2.772
Plus asistencia	140.164	12.742	607
Antigüidade	36.592	3.327	111
Tóxico, penoso, Per.	83.639	7.604	362
P. Desp. Mov. e Tte.	325.479	29.589	1.409
Vacacións	137.474
Extra xullo	130.659
Extra Nadal	130.659
Plus de quendas			554
Plus nocturnidade			554
Plus Xef. equipo	152.340	13.849	659
Gamas Producc.	95.625	8.693
Prima Carretill.	73.067	6.642
Xunta grande (UD)	1.108	Axudas de custo:
Media 2.014
Hora extra	1.087	Completa 3.775
Hora festiva	1.294	Axuda comida:40.008

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: oficial 2ª

Do 1-1-1995 ó 30-6-1995

Conceptos	Salario anual	Salario mensual	Salario diario

Salario base	889.193	80.836	2.695
Plus asistencia	133.488	12.135	578
Antigüidade	35.567	3.233	108
Tóxico, penoso, Per.	80.275	7.298	348
P. Desp. Mov. e Tte.	283.574	25.779	1.228
Vacacións	128.832
Extra xullo	122.018
Extra Nadal	122.018
Plus de quendas			539
Plus nocturnidade			539
Plus Xef. equipo	148.233	13.476	642
Gamas Producc.	95.625	8.639
Prima Carretill.	73.067	6.642
Xunta grande (UD)	1.108	Axudas de custo:
Media 2.014
Hora extra	973	Completa 3.775
Hora festiva	1.202	Axuda comida:40.008

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: oficial 3ª

Do 1-1-1995 ó 30-6-1995

Conceptos	Salario anual	Salario mensual	Salario diario

Salario base	851.805	77.437	2.581
Plus asistencia	133.800	12.164	579
Antigüidade	34.072	3.097	103
Tóxico, penoso, Per.	73.593	6.690	319
P. Desp. Mov. e Tte.	279.272	25.388	1.209
Vacacións	126.011
Extra xullo	119.195
Extra Nadal	119.195
Plus de quendas			517
Plus nocturnidade			517
Plus Xef. equipo	141.557	12.869	613
Gamas Producc.	95.625	8.693
Prima Carretill.	73.067	6.642
Xunta grande (UD)	1.108	Axudas de custo:
Media 2.014
Hora extra	872	Completa 3.775
Hora festiva	1.117	Axuda comida:40.008

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: especialista

Do 1-1-1995 ó 30-6-1995

Conceptos	Salario anual	Salario mensual	Salario diario

Salario base	851.805	77.437	2.581
Plus asistencia	115.895	10.536	502
Antigüidade	34.072	3.097	103
Tóxico, penoso, Per.	74.555	6.778	323
P. Desp. Mov. e Tte.	215.031	19.548	933
Vacacións	129.345
Extra xullo	122.529
Extra Nadal	122.529
Plus de quendas			517
Plus nocturnidade			517
Plus Xef. equipo	141.557	12.869	613
Gamas Producc.	95.625	8.693
Prima Carretill.	73.067	6.642
Xunta grande (UD)	1.108	Axudas de custo:
Media 2.014
Hora extra	756	Completa 3.775
Hora festiva	1.020	Axuda comida:40.008

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: peón

Do 1-1-1995 ó 30-6-1995

Conceptos	Salario anual	Salario mensual	Salario diario

Salario base	735.406	66.855	2.229
Plus asistencia	84.234	7.658	365
Antigüidade	29.416	2.674	89
Tóxico, penoso, Per.	59.699	5.427	258
P. Desp. Mov. e Tte.	242.952	22.087	1.052
Vacacións	107.793
Extra xullo	100.980
Extra Nadal	100.980
Plus de quendas			446
Plus nocturnidade			446
Plus Xef. equipo	122.406	11.128	530
Gamas Producc.	95.625	8.693
Prima Carretill.	73.067	6.642
Xunta grande (UD)	1.108	Axudas de custo:
Media 2.014
Hora extra	638	Completa 3.775
Hora festiva	866	Axuda comida:40.008

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: oficial 1ª

Do 1-7-1995 ó 31-12-1995

Conceptos	Salario anual	Salario mensual	Salario diario

Salario base	946.812	86.074	2.869
Plus asistencia	145.070	13.188	628
Antigüidade	37.873	3.443	115
Tóxico, penoso, Per.	86.566	7.870	375
P. Desp. Mov. e Tte.	336.871	30.625	1.458
Vacacións	142.286
Extra xullo	135.232
Extra Nadal	135.232
Plus de quendas			573
Plus nocturnidade			573
Plus Xef. equipo	157.672	14.334	683
Gamas Producc.	98.972	8.997
Prima Carretill.	75.624	6.875
Xunta grande (UD)	1.147	Axudas de custo:
Media 2.084
Hora extra	1.125	Completa 3.907
Hora festiva	1.339	Axuda comida:41.408

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: oficial 2ª

Do 1-7-1995 ó 31-12-1995

Conceptos	Salario anual	Salario mensual	Salario diario

Salario base	920.315	83.665	2.789
Plus asistencia	138.160	12.560	598
Antigüidade	36.812	3.347	112
Tóxico, penoso, Per.	83.085	7.553	360
P. Desp. Mov. e Tte.	293.499	26.682	1.271
Vacacións	133.341
Extra xullo	126.289
Extra Nadal	126.289
Plus de quendas			558
Plus nocturnidade			558
Plus Xef. equipo	153.421	13.947	664
Gamas Producc.	98.972	8.997
Prima Carretill.	75.624	6.875
Xunta grande (UD)	1.147	Axudas de custo:
Media 2.084
Hora extra	1.007	Completa 3.907
Hora festiva	1.244	Axuda comida:41.408

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: oficial 3ª

Do 1-7-1995 ó 31-12-1995

Conceptos	Salario anual	Salario mensual	Salario diario

Salario base	881.618	80.147	2.672
Plus asistencia	138.483	12.589	599
Antigüidade	35.265	3.206	107
Tóxico, penoso, Per.	76.169	6.924	330
P. Desp. Mov. e Tte.	289.047	26.277	1.251
Vacacións	130.421
Extra xullo	123.367
Extra Nadal	123.367
Plus de quendas			535
Plus nocturnidade			535
Plus Xef. equipo	146.511	13.319	634
Gamas Producc.	98.972	8.997
Prima Carretill.	75.624	6.875
Xunta grande (UD)	1.147	Axudas de custo:
Media 2.084
Hora extra	903	Completa 3.097
Hora festiva	1.156	Axuda comida:41.408

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: especialista

Do 1-7-1995 ó 31-12-1995

Conceptos	Salario anual	Salario mensual	Salario diario

Salario base	881.618	80.147	2.672
Plus asistencia	119.951	10.905	519
Antigüidade	35.265	3.206	107
Tóxico, penoso, Per.	77.164	7.015	334
P. Desp. Mov. e Tte.	222.557	20.232	963
Vacacións	133.872
Extra xullo	126.818
Extra Nadal	126.818
Plus de quendas			535
Plus nocturnidade			535
Plus Xef. equipo	146.511	13.319	634
Gamas Producc.	98.972	8.997
Prima Carretill.	75.624	6.875
Xunta grande (1)	1.147	Axudas de custo:
Media 2.084
Hora extra	782	Completa 3.907
Hora festiva	1.056	Axuda comida:41.408

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

Táboa salarial da empresa Cyrgasa. Ano 1995

Categoría: peón

Do 1-7-1995 ó 31-12-1995

Conceptos	Salario anual	Salario mensual	Salario diario

Salario base	761.145	69.195	2.307
Plus asistencia	87.182	7.926	377
Antigüidade	30.446	2.768	92
Tóxico, penoso, Per.	61.788	5.617	267
P. Desp. Mov. e Tte.	251.455	22.860	1.089
Vacacións	111.566
Extra xullo	104.514
Extra Nadal	104.514
Plus de quendas			462
Plus nocturnidade			462
Plus Xef. equipo	126.690	11.517	548
Gamas Producc.	98.972	8.997
Prima Carretill.	75.624	6.875
Xunta grande (1)	1.147	Axudas de custo:
Media 2.084
Hora extra	660	Completa 3.907
Hora festiva	896	Axuda comida:41.408

O salario anual é a retribución total pactada suposta unha plena presencia.

O salario mensual é o promedio obtido de dividir entre 11 o salario anual.

O salario diario é o resultado de dividir por 30 o salario mensual no que se refire ós conceptos salario base, antigüidade e plus de quendas; e por 21 o resto dos conceptos retributivos de carácter mensual.

925