De conformidade coa proposta elevada poola comisión designada para xulgar o concurso, convocado por resolución desta universidade do 27 de marzo de 1995 (BOE do 22 de abril) para a provisión da praza número 95/015 de profesora titular de universidade da área de coñecemento de socioloxía, do departamento de Socioloxía e Ciencia Política da Administración, a favor de Ana de Miguel Álvarez, e unha vez acreditados pola interesada os requisitos a que alude o apartado 2º do artigo 5 do Real decreto 1888/1984, do 26 de setembro.
Este rectorado, en uso das atribucións conferidas polo artigo 42 da Lei 11/1983, do 25 de agosto, de reforma universitaria, e demais disposicións que a desenvolven, resolveu nomear a Ana de Miguel Álvarez, profesora titular de universidade da área de coñecemento de socioloxía, do departamento de Socioloxía e Ciencia Política da Administración desta universidade.
A Coruña, 27 de marzo de 1996.
José Luis Meilán Gil
Rector da Universidade da Coruña
2344