A Dirección Xerencia do Complexo Hospitalario Cristal-Piñor de Ourense, en virtude das atribucións que lle foron delegadas conforme o establecido no artigo 7 da Orde do 15 de setembro de 1994 (DOG do 3 de outubro) da Consellería de Sanidade e Servicios Sociais, convoca o seguinte concurso público:
Contratación da explotación da cafetería e restaurante do Complexo Hospitalario Cristal-Piñor, logo
da execución das obras de remodelación do local onde se situarán.
Orzamento aproximado dos investimentos a realizar polo adxudicatario: 65.000.000 de ptas.
Canon anual a satisfacer ó Complexo Hospitalario Cristal-Piñor: 600.000 ptas.
Prazo de execución das obras: 5 meses , contados desde a subscrición do contrato.
Duración do contrato: 15 anos.
Forma de adxudicación: procedemento aberto mediante concurso público nº. 2/1996, tramitado con carácter urxente.
Admisión de variantes: sempre que se cumpra o establecido no prego de prescricións técnicas.
Solvencia económica e financeira: acreditación mediante a presentación dunha declaración relativa á cifra de negocios globais, así como dos servicios ou traballos realizados pola empresa no curso dos tres últimos exercicios.
Solvencia técnica: relación dos principais servicios efectuados durante os tres últimos anos, indicándose o seu importe, datas e destino público ou privado, á que se incorporarán os correspondentes certificados sobre eles.
Fianza provisional: 2% do orzamento das investimentos a realizar.
Fianza definitiva: 4% do orzamento das investimentos a realizar.
Criterios de adxudicación: características funcionais 4 puntos. Experiencia no sector 4 puntos. Relación prezo/calidade 2 puntos.
Documentación de interese para os licitadores: os pregos de cláusulas administrativas particulares e prescricións técnicas e demais documentación complementaria poden ser solicitados na Secretaría da Dirección de Xestión e SS.XX. do Complexo Hospitalario, rúa Ramón Puga nº. 52 (edificio administración, planta baixa), de Ourense, en días laborables, de 9 a 13 horas.
Presentación de proposicións: presentaranse en man, en sobres pechados e asinados polo licitador ou persoa que o represente, no rexistro xeral deste Complexo Hospitalario, antes das 13 horas do décimo terceiro día natural contados desde o seguinte ó da publicación desta resolución no DOG, ou enviadas por correo dentro do prazo sinalado.
Cando as proposicións se envíen por correo, o licitador deberá xustifica-la data de imposición do envío na oficina de correos e anunciar ó órgano de contratación a remisión da oferta mediante FAX (988) 38 55 50 ou telegrama no mesmo día, de conformidade coa lexislación vixente.
Apertura de proposicións: terá lugar en acto público na sala de xuntas anexa á Dirección Xerencia do Complexo Hospitalario, ás 10 horas do décimo primeiro día natural contado desde o seguinte a aquel
no que remate o prazo de presentación de ofertas. En caso de que o dito día coincida en sábado ou festivo a apertura das proposicións terá lugar no día hábil seguinte.
Documentación que achegarán os licitadores: os documentos sinalados no prego de cláusulas administrativas particulares.
Anuncios: o pagamento dos anuncios do presente concurso público correrá por conta do adxudicatario do contrato.
Ourense, 18 de marzo de 1996.
Pedro A. Soler Bordoy
Director xerente do Complexo Hospitalario Cristal-Piñor de Oureense
96-1640