Visto o expediente para outorgamento de autorización administrativa, declaración de utilidade pública e aprobación do proxecto de execución das instalacións eléctricas que a continuación se detallan:
Solicitante: Unión Eléctrica-Fenosa, S.A.
Enderezo social: Severo Ochoa, 2, 15008 A Coruña.
Denominación: L.M.T. Ermida-A Piolla.
Situación: Zas e Cabana.
Descricións técnicas: liña eléctrica de media tensión, a 15/20 kV, sobre apoios metálicos e de formigón, en conductor LA-110, de 4.497 m de lonxitude, con orixe no C.T. Ermida e final no C.T. A Piolla.
Cumpridos os trámites ordenados nos capítulos III e IV dos decretos 2617 e 2619/1966, do 20 de outubro, sobre autorización e expropiación forzosa das instalacións eléctricas, esta delegación provincial, resolveu,
Autorizar, declarar de utilidade pública e aproba-lo proxecto de execución das devanditas instalacións, nas que as características se axustarán en tódalas súas partes ás que figuran nel e ás condicións técnicas e de seguridade establecidas nos regulamentos de aplicación, e nos condicionados establecidos polos ministerios, organismos ou corporacións que constan nos expedientes.
A Coruña, 1 de marzo de 1996.
Juan Ignacio Lizaur Otero
Delegado provincial da Coruña
2270