A Secretaría Xeral da Consellería de Agricultura, Gandería e Montes resolveu convoca-la seguinte licitación polo sistema de concurso público:
Obxeto: contratación da asistencia técnica consistente na realización dos traballos de asesoría na defensa contra incendios forestais en Galicia durante o ano 1996 (0619), de acordo cos proxectos e pregos aprobados para ela.
Orzamento de licitación: trinta millóns novecentas noventa e seis mil oitocentas oitenta e dúas pesetas (30.996.882 ptas.).
Clasificación: grupo I, subgrupo I, categoría B.
Fianza provisional: exenta.
Fianza definitiva: 4% do orzamento de licitación.
Exposición do proxecto e pregos: o proxecto así como o prego de claúsulas administrativas particulares estarán á disposición dos licitadores para o seu exame durante o prazo de presentación de proposicións, os días e horas hábiles de oficina, na Dirección Xeral de Montes e Medio Ambiente Natural da Consellería de Agricultura, Gandería e Montes (San Lázaro, s/n, Santiago de Compostela).
Modelo de proposición: a proposición económica formularase estrictamente conforme o modelo que figura no prego de claúsulas administrativas particulares.
Presentación e apertura de proposicións: as proposicións serán entregadas no Rexistro Xeral da Consellería de Agricultura, Gandería e Montes ou en calquera das vías admitidas polo artigo 38 da Lei 30/1992, do 26 de novembro, de réxime xurídico das administracións públicas e do procedemento administrativo común, antes das 14 horas do día 30 de abril de 1996.
A apertura de proposicións terá lugar o día 7 de maio de 1996, ás 13.30 horas, nas oficinas da Secretaría Xeral da Consellería de Agricultura, Gandería e Montes (San Caetano, Santiago de Compostela).
Gastos de publicación: serán por conta dos adxudicatarios.
Santiago de Compostela, 25 de marzo 1996.
P.D. (Orde 13-12-1993, DOG nº 239, 14-12-1993)
Antonio L. Rosón Pérez
Secretario xeral da Consellería de Agricultura, Gandería e Montes
2458