A Consellería de Industria e Comercio convoca o seguinte concurso polo procedemento aberto:
Obxecto: realización dun estudio de recuperación de solo contaminado do vertedeiro de Mougá en Ferrol.
Orzamento: nove millóns setecentas cincuenta mil pesetas (9.750.000 ptas.) con cargo ó orzamento de gastos da Comunidade Autónoma para 1996.
Documentos de interese para os licitadores: os pregos de prescrición técnicas e de cláusulas administrativas particulares estarán de manifesto e á disposición dos interesados para o seu exame, durante o prazo de presentación de proposicións en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo nº 5-4º piso, Santiago de Compostela.
Presentación de ofertas: as ofertas dirixiranse en calquera dos modos previstos no artigo 100 do Regulamento xeral de contratos do Estado á Secretaría Xeral da Consellería de Industria e Comercio, no prazo de vinteseis días naturais, contados desde o día seguinte ó da publicación deste anuncio no Diario Oficial de Galicia.
Apertura de pregos: a apertura de pregos terá lugar na Consellería de Industria e Comercio, ás once horas do décimo primeiro día ó da finalización do prazo de presentación de proposicións; se este fose inhábil, posporase ó primeiro día hábil seguinte. Se o día da apertura de proposicións, coincidise en sábado, posporase ata o luns seguinte.
Documentos que deben presenta-los licitadores: os indicados na cláusula 8ª do prego de cláusulas administrativas particulares.
Fianza provisional: será do 2% do orzamento do contrato (195.000 pesetas).
Acreditación da solvencia económica, financeira e técnica ou profesional: realizarase por calquera dos medios previstos nos artigos 16 a 19 da L.C.A.P.
Prazo de execución: será de catro meses (4) desde o día seguinte á súa sinatura.
Prazo de garantía: de conformidade co disposto no artigo 111.3º segundo parágrafo da Lei 13/1995, exceptúase, dada a natureza deste contrato, a esixencia de garantía.
O importe deste anuncio correrá por conta do adxudicatario.
Santiago de Compostela, 18 de marzo de 1996.
P.D. (18-5-1994, DOG 100)
Manuel Barreiro Barbeito
Secretario xeral da Consellería de Industria e Comercio
1774