O artigo 5.2º do Decreto 442/1990, de avaliación do impacto ambiental para Galicia (DOG nº 188, do 25-9-1990), dispón que os estudios de impacto ambiental se someterán ó trámite de información pública, durante trinta días hábiles, mediante anuncio no Diario Oficial de Galicia. Na súa virtude,
RESOLVO:
Someter a información pública, por unprazo de trinta días hábiles, contados a partir da publicación da presente resolución, o estudio de impacto ambiental e plan de restauración da solicitude de canteira de calcaria denominada Queimaferros, situada en Paderne, concello de Folgoso do Courel, provincia de Lugo, e solicitado pola empresa Piedra Bierzo, S.L.
Para os efectos informativos porase á disposición dos administrados que o soliciten un exemplar del nas oficinas desta dirección xeral e as alegacións formularanse durante o prazo sinalado nas mesmas oficinas.
Santiago de Compostela, 26 de xaneiro de 1996.
Joaquín del Moral Crespo
Director xeral de Industria
2293