Aprobado polo Pleno deste Concello en sesión celebrada o día 25 de xaneiro de 1996 o prego de cláusulas administrativas particulares que rexerán a contratación urxente mediante concurso en procedemento aberto da subministración e instalación dun repetidor de Radio Televisión Cerceda en Vilanova-As Encrobas, sométese a información pública durante o prazo de 8 días para efectos do seu exame e posibles reclamacións, considéranse definitiva
mente aprobado no caso de que non se formulen reclamacións a el.
Simultaneamente anúnciase a licitación, a que se aprazará no caso de se formularen reclamacións ó prego ata a resolución destas.
Extracto.
Prego de cláusulas administrativas particulares que rexerán a contratación urxente mediante concurso en procedemento aberto da subministración e instalación dun repetidor de Radiotelevisión Cerceda en Vilanova-As Encrobas.
Obxecto.-A subministración e instalación dun repetidor de Radiotelevisión Cerceda no lugar de Vilanova-As Encrobas, mediante concurso urxente en procedemento aberto.
Orzamento de contrata e criterios que servirán de base para a adxudicación.
1.-O orzamento de contrata ascende á cantidade de sete millóns (7.000.000) de pesetas.
2.-Na oferta dos licitadores entenderase comprendido o importe do IVE.
3.-Os criterios que servirán de base á contratación serán os seguintes:
-Prezo ofertado.
-Solucións técnicas que melloran as mínimas establecidas.
-Prazo de execución.
-Custo de utilización.
-Calidade e rendibilidade.
-Posibilidade de repostos, mantemento e asistencia técnica.
Prazo de execución.-Un mes, contado a partir do día seguinte ó da data de formalización do contrato.
Pagamento.-No prazo de dous meses, contados desde a sinatura da acta de recepción da instalación.
Prazo de garantía.-Executada a instalación, o contratista notificarallo ó concello e dentro do mes seguinte terá lugar o acto de recepción destas se esta se atopa en perfecto estado e consonte as prescricións previstas, o concello daraa, por recibida, levantándose a correspondente acta e comezando entón o prazo de garantía dun ano.
Garantías adicionais.-Sen prexuízo da garantía por execución do contrato antes descrita, o contratista dará unha garantía por escrito polo prazo mínimo de seis anos, para responder de defectos de fabricación do equipo subministrado.
Garantía provisional.-140.000 pesetas.
Garantía definitiva.-4% do prezo da adxudicación.
Proposicións e documentación complementaria.-Durante o prazo de 13 días naturais contados desde o seguinte ó da derradeira publicación no BOP ou DOG, na forma e coa documentación esixida na cláusula 13 do prego de condicións.
Modelo de proposición:
D/Dna....., con domicilio en ...., concello de ...., C.P. ...., provincia ...., e DNI núm ...., no seu propio nome (ou en representación de ...., como acredito
mediante ....), informado do expediente de contratación urxente mediante concurso da subministración e instalación dun repetidor de RTVC en Vilanova-As Encrobas, anunciado no BOP (ou DOG) núm ...., con data ...., tomo parte nesta comprometéndome a executa-lo contrato de acordo co prego de condicións administrativas e especificacións técnicas, que acepto integramente, no prezo de .... pesetas IVE incluído, consonte os seguintes criterios .... e as modificacións e melloras que se concretan en documento anexo, facendo constar que manteño esta oferta durante .... meses e non estar incurso en ningunha das circunstancias establecidas no artigo 20 da Lei de contratos das administracións públicas.
b) Memoria cos criterios e as variantes ou alternativas que se oferten.
Constitución da mesa e apertura de plicas:
No salón de xuntas do concello ás 13 horas do quinto día hábil seguinte a aquel en que remate o prazo sinalado no apartado 1 da cláusula 13ª.
A mesa de contratación estará integrada da seguinte forma:
-O alcalde, ou concelleiro no que delegue ou legalmente o substitua, como presidente.
-Dous vocais designados polo Concello Pleno.
-O secretario e o interventor do concello.
Características técnicas mínimas dos equipos:
-Dous conxuntos de 3 reemisores, con triplexor profesional, mecanización e cables de adaptación, potencia de saída por canle de 5W a -58 db de intermodulación. Alimentación 220 V.C.A. e 24 V.C.C. con cargador de batería.
-Un reemisor profesional, potencia de saída 5 W a -58 db de intemodulación. Alimentación 220 V.C.A. e 24 V.C.C. con cargador de batería.
-Un sistema radiante composto por dous paneis de aceiro inoxidable rodomizado en fibra de vidro, un distribuídor de 1 entrada e 2 saídas, con lateguiños, cable cellfex 1/2 polgada e 15 m de liña de antena.
Réxime xurídico.-No que non estea previsto nas presentes cláusulas rexerán as normas da Lei 7/1985, do 2 de abril, Real decreto lexislativo 781/1986, do 18 de abril e Lei 13/1995, do 18 de maio.
Cerceda, 2 de febreiro de 1996.
José García Liñares
Alcalde
Celestino J. Amigo Liñares
Secretario
1480