A Consellería de Industria e Comercio convoca o seguinte concurso polo procedemento aberto:

Obxecto: realización de tres estudios técnicos en materia de gas.

Orzamento: nove millóns novecentas cincuenta mil pesetas (9.950.000 ptas.) con cargo ó orzamento de gastos da Comunidade Autónoma para 1996.

Documentos de interese para os licitadores: os pregos de prescricións técnicas e de cláusulas administrativas particulares estarán de manifesto e a disposición dos interesados para o seu exame, durante o prazo de presentación de proposicións en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo nº 5-4º andar, Santiago de Compostela.

Presentación de ofertas: as ofertas dirixiranse en calquera dos modos previstos no artigo 100 do Regulamento xeral de contratos do Estado á Secretaría Xeral da Consellería de Industria e Comercio, no prazo de vinteseis días naturais, contados desde o día seguinte ó da publicación deste anuncio no Diario Oficial de Galicia.

Apertura de pregos: a apertura de pregos terá lugar na Consellería de Industria e Comercio, ás once horas do décimo primeiro día seguinte ó da finalización do prazo de presentación de proposicións; se este fose inhábil, posporase ó primeiro día hábil seguinte. Se o día da apertura de proposicións, caese en sábado, posporase ata o luns seguinte.

Documentos que deben presenta-los licitadores: os indicados na cláusula 8ª do prego de cláusulas administrativas particulares.

Fianza provisional: será do 2% do orzamento do contrato (199.000 pesetas).

Acreditación da solvencia económica, financeira e técnica ou profesional: será realizada por calquera dos medios previstos nos artigos 16 a 19 da Lei de contratos das administracións públicas.

Prazo de execución: será desde o día seguinte ó da sinatura deste ata o 30 de setembro de 1996, axustándose ás datas fixadas no prego de prescricións técnicas para a entrega de cada un dos estudios.

Prazo de garantía: de conformidade co disposto no artigo 111.3º segundo parágrafo da Lei 13/1995, se exceptúa, dada a natureza deste contrato, a esixencia de garantía.

O importe deste anuncio será por conta do adxudicatario.

Santiago de Compostela, 13 de marzo de 1996.

P.D. (Orde 18-5-1994, DOG 100)

Manuel Barreiro Barbeito

Secretario xeral da Consellería de Industria e Comercio

1791