Examinado o expediente incoado pola titularidade do centro privado Santa María de Tui (Pontevedra) en solicitude de autorización definitiva, para a súa apertura e funcionamento, do dito centro.
Resultando que o expediente foi tramitado pola Delegación Provincial de Educación e Ordenación Universitaria de Pontevedra que o envía cos informes emitidos pola inspección de educación e pola unidade técnica.
Vistos a Lei orgánica 1/1990, do 3 de outubro, de ordenación xeral do sistema educativo (BOE do 4), o Real decreto 1004/1991, do 14 de xuño (BOE do 26), o Decreto 133/1995, do 10 de maio (DOG do 22), a Orde do 20 de setembro de 1995 (DOG do 15 de decembro) e demais disposicións complementarias.
Considerando que o centro que se expresa, de acordo cos informes emitidos e coas disposicións vixentes na materia, reúne os requisitos necesarios. Esta consellería,
DISPÓN:
Concede-la autorización definitiva, para a súa apertura e funcionamento, ó centro privado que se relaciona no anexo da presente orde, facendo constar que a titulación do profesorado deberá axustarse ó disposto no Real decreto 1004/1991.
Santiago de Compostela, 13 de marzo de 1996.
Juan Piñeiro Permuy
Conselleiro de Educación e Ordenación Universitaria
ANEXO
PROVINCIA DE PONTEVEDRA
Concello: Tui
Localidade: Tui
Enderezo: Os Maristas, s/n
Denominación: Santa María
Titular: Hermanos Maristas
Nivel: educación primaria
Unidades que se autorizan: 6
2159