Obxecto: o contrato ten por obxecto a contratación da xestión dos servicios de ludoteca e espacio xove para nenos e xoves. Os servicios serán entendidos en conxunto como un centro de tempo libre con carácter educativo, todo iso de conformidade co prego de condicións aprobado polo Pleno do Concello do 8 de febreiro de 1996.

Prazo de execución: o contrato terá unha duración dun ano, prorrogable anualmente ata un máximo de tres anos máis.

Prezo do contrato: o prezo máximo do contrato establécese en 9.900.000 ptas. (IVE incluído).

Fianzas: exímese a presentación da garantía provisional. A definitiva establécese no catro por cento do prezo do contrato.

Solvencia económica, financeira e técnica: os licitadores terán que acredita-la solvencia económica, financeira e técnica en calquera das formas previstas nos artigos 16 e 19 da Lei de contratos das administracións públicas.

Prazo de presentación de proposicións: as proposicións presentaranse en sobre pechado no rexistro xeral do Concello de Vigo, de 9 a 13 horas, dentro dos vinteseis días naturais seguintes ó da publicación do derradeiro anuncio do concurso no BOP e Diario Oficial de Galicia, achegando a documentación esixida na cláusula XI do prego de condicións.

Apertura de proposicións: a apertura de proposicións terá lugar ás dez horas do primeiro martes seguintes a aquel en que finalice o prazo de presentación de proposicións na casa do Concello de Vigo. Se esta coincidise en día non hábil o causas de forza maior impedisen súa celebración a apertura terá lugar o primeiro día hábil seguinte.

Criterios de adxudicación: serán os fixados na cláusula IX do prego de condicións.

Modelo de proposición:

Don/Dona..., con domicilio en... con DNI nº... en nome propio ou en representación de..., tendo coñecemento da contratación dos servicios de ludoteca e espacio xove, comprométese a:

a) Realiza-lo servicio obxecto de contratación durante o prazo contractual polo prezo de... ptas. Desagregado:

-Material inventariable... ptas.

-Material funxible... ptas.

-Publicidade... ptas.

-Persoal... ptas.

-Reposición, etc... ptas.

-Dirección, etc... ptas.

b) Aceptar integramente o prego de condicións que rexe a contratación e que declara coñecer na súa totalidade.

c) Achegarlle á oferta a documentación esixida.

Vigo, ... de... de 1996.

(Asinado)

Vigo, 5 de marzo de 1996.

Manuel Pérez Álvarez

Alcalde

AVISO PARA OS ANUNCIANTES

PREZOS PARA A PUBLICACIÓN DE ANUNCIOS

NO DOG A PARTIR DO 1 DE XANEIRO DE 1996

(Decreto 289/1995, do 3 de novembro,

DOG do 9 do mesmo mes)

-Tramitación ordinaria: 445 pesetas/liña de 54 espacios.

-Tramitación urxente: 890 pesetas/liña de 54 espacios.

Números de teléfono do Diario Oficial de Galicia

Teléfonos: 544268 - 544270

Fax: 544272 - 544273