Visto o expediente do convenio colectivo da empresa Coruñesa Motor, S.A. que tivo entrada nesta delegación provincial o día 19 de xaneiro de 1996, subscrito en representación da parte económica pola empresa e da parte social polo comité de empresa o día 29-12-1995, de conformidade co disposto no artigo 90.2º e 3º da Lei 8/1980, do 10 de marzo, do Estatuto dos traballadores, Real decreto 1040/1981, do 22 de maio, sobre rexistro e depósito de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo, esta delegación provincial,
ACORDA:
Primeiro.-Ordena-la súa inscrición no libro de rexistro de convenios colectivos de traballo, que consta nesta delegación provincial, e notificación as representacións económica e social da comisión negociadora.
Segundo.-Ordena-lo seu depósito no Servicio de Relacións Laborais, Sección de Mediación, Arbitraxe e Conciliación (SMAC).
Terceiro.-Dispoñe-la súa publicación no BOP e no Diario Oficial de Galicia.
A Coruña, 23 de xaneiro de 1996.
Fernando Rodríguez Corcoba
Delegado provincial da Coruña
Convenio colectivo para a empresa Coruñesa Motor, S.A. Cormosa
Domicilio en Iñás-Oleiros (A Coruña).
En Iñás-Oleiros (A Coruña), con data vintenove de decembro de mil novecentos noventa e cinco, reunidos dunha parte, en representación da empresa, Juan Luis Pita Toledo; doutra parte, en representación dos traballadores, Manuel Crespo Vázquez.
Expón, que concluíron as reunións e deliberacións encamiñadas á redacción do convenio colectivo que vai regula-las relacións entre empresa e traballadores durante os anos mil novecentos noventa e cinco e mil novecentos noventa e seis. Que subscriben o presente convenio colectivo que aceptan, asinan e cumprirán.
Convenio colectivo
Artigo 1º.-Ámbito de implicación.
As normas do presente convenio colectivo aplicaránselles na empresa Coruñesa Motor, S.A. a tódolos traballadores fixos ou eventuais desta, mesmo ós que se integren nela durante a vixencia, sen prexuízo do disposto no artigo 7º deste convenio.
Artigo 2º.-Vixencia e duración.
O ámbito temporal do presente convenio será de dous anos de duración a partir do un de xaneiro de mil novecentos noventa e cinco e para tódolos conceptos establecidos, e quedará prorrogado automaticamente ata a negociación dun próximo convenio.
Artigo 3º.-Condicións máis beneficiosas.
As condicións sinaladas neste convenio terán o carácter de mínimas e, na súa virtude, serán nulos e non producirán efecto ningún entre as partes os pactos e cláusulas deste que impliquen condicións menos favorables para o traballador, sen que o convenio poida limitar ou diminuír en ningún caso situacións máis vantaxosas obtidas polos traballadores, individual ou colectivamente.
As melloras económicas e de traballo que se implanten en virtude do presente convenio, así como as voluntarias que estean establecidas ou se establezan no futuro, poderán ser absorbidas ou compensadas ata onde alcancen, cos aumentos ou melloras que existan ou poidan establecerse por disposicións legais que no futuro se promulguen, as cales só terán eficacia no que superen o nivel deste convenio.
Artigo 4º.-Antigüidade.
Para o cómputo do complemento de antigüidade, considerarase data inicial a de ingreso na empresa, calquera que sexa a categoría coa que se efectuou, e conservarase a antigüidade en caso de ascenso.
Os trienios serán do cinco por cento (5%) sobre o soldo convenio, e computaranse durante a permanencia do traballador no cadro de persoal da empresa. Considerarase tempo hábil para os efectos de trienios o período de aprendizaxe, e percibirase cando se reúnan tres anos e múltiplo de tres no servicio da empresa.
Artigo 5º.-Cesamento na empresa.
O traballador que se propoña cesar na empresa comunicarallo á dirección desta, polo menos con dez días de antelación á data na que decidise causar baixa, e farao por escrito e con xustificante de recepción. O incumprimento desta obriga de aviso daralle dereito á empresa a descontar, da liquidación finiquita que se lle efectúe, o importe dun día de salario por cada un de atraso no aviso. Esta cantidade, así como as procedentes de sancións ó persoal, destinarase a un fondo social da empresa, a administración do cal lles corresponde ós delegados dos traballadores.
Artigo 6º.-Pagas extraordinarias.
Os traballadores percibirán, aumentadas cos incrementos que resulten deste convenio, as pagas extraordinarias de beneficios, xullo, setembro e Nadal.
Estas pagas aboaranse antes do día quince do mes no cal correspondan.
Os traballadores que non leven un ano de servicio na empresa no momento en que corresponda a percepción destas pagas extraordinarias, cobraranas en
cantidade proporcional ó tempo traballado. Os que abandonen a empresa antes de cumpriren o ano de servicio terán tamén dereito a percibi-la parte proporcional correspondente ós meses transcorridos desde o seu ingreso nesta.
Nestas pagas extraordinarias incluiranse as cantidades correspondentes ó soldo base, antigüidade, mellora voluntaria, e os traballadores que veñen recibindo mensualmente a parte proporcional que corresponda, é dicir, total fixo.
Artigo 7º.-Xornada laboral.
A xornada laboral será de corenta horas semanais, de luns a venres, e o cómputo anual será de mil setecentas oitenta e sete.
O horario será desde as 8.30 á 1.30 e das 15.30 ás 18.30 horas.
Sobre o horario de entrada concédese unha marxe de cinco minutos sesaxesimais durante os cales a chegada ó traballo non será considerada retraso, senón puntual e dentro do horario.
A empresa autoriza o seu persoal a consumi-lo bocadillo durante as horas de traballo, sempre que non se entorpeza ou interrompa a continuidade do traballo e se comprometan, como se comprometen, os traballadores a boa fe e boa vontade.
Os días 24 e 31 de decembro serán considerados non laborables.
Artigo 8º.-Vacacións.
As vacacións anuais serán de trinta días naturais para os traballadores que leven un ano no servicio da empresa e desfrutaranse de forma ininterrompida, salvo acordo entre empresa e traballador.
O período de vacacións desfrutaranse, con preferencia, durante os meses de xuño, xullo e agosto, sempre cumprindo a normativa laboral vixente. En caso de desacordo co reparto de data de vacacións efectuado no cadro xeral, haberá que aterse tamén ó disposto na lei.
Os traballadores que non completasen o ano efectivo no cadro de persoal da empresa, desfrutaranas durante un tempo proporcional ó traballado.
Respecto ó salario do mes de vacacións, ós empregados do taller, en substitución dos incentivos de producción, aboaráselles precisamente no mes de agosto, vaian de vacacións nese mes ou noutro- a cantidade de sete mil pesetas (7.000), como compensación do incentivo. Para os empregados de vendas garántese a cantidade de trece mil pesetas (13.000) como compensación do incentivo. Esta cantidade percibirana precisamente no mes de agosto, vaian de vacacións nese mes ou noutro,. Non a percibirán se no mes de desfrute de vacacións superen os seus incentivos esa cantidade polas súas vendas, ou se lle completarán ata acada-la dita cifra.
Artigo 9º.-Capacidade diminuída.
Os traballadores afectados de capacidade diminuída poderán ser adaptados a outra actividade distinta á da súa categoría profesional, adecuada á súa
aptitude, e respectaráselle-lo salario que tivesen acreditado antes de pasaren á dita situación e conservarán o dereito ós aumentos que por pactos, convenios, etc., experimente no sucesivo a categoría que tivo no momento de producirse o feito determinante da diminución da súa capacidade.
Para a asignación destes postos requirirase o informe previo dos delegados dos traballadores que, formulado, non será vinculante para a empresa.
Artigo 10º.-Baixa por enfermidade.
No caso de baixa por enfermidade ou accidente laboral debidamente xustificada, a empresa completará as percepcións económicas que se sinalan: total fixo, primas fixas e incentivos (estes pola media dos últimos doce meses) ata un máximo de dezaoito meses.
A empresa poderá verifica-lo estado de enfermidade ou o accidente laboral alegado polo traballador para xustifica-la súa ausencia do traballo, mediante recoñecemento a cargo do persoal médico.
Artigo 11º.-Licencias retribuídas.
As licencias retribuídas regularanse pola normativa laboral vixente coas modificacións que a seguir se expoñen:
-Matrimonio do traballador: quince (15) días naturais.
-Parto da esposa: tres (3) días, polo menos dous laborables.
-Enfermidade grave de falecemento do cónxuxe ou fillos: cinco (5) días naturais.
-Traslado de domicilio habitual: dous (2) días naturais.
-Falecemento de pais, netos, avós ou irmáns: tres (3) días naturais.
-Falecemento de tíos ou sobriños: dous (2) días naturais.
Cando o falecemento se producise fóra da provincia, incrementarase o período en dous días naturais.
A empresa poderá requiri-lo traballador para as xustificacións que correspondan e procurará atende-las perentorias necesidades do traballador, de tempo, nestes casos.
Artigo 12º.-Servicio militar.
Os traballadores da empresa que se incorporen ó servicio militar con carácter forzoso ou voluntario para anticipa-lo cumprimento dos seus deberes, e leven seis meses no cadro de persoal da empresa e teñan cargas familiares acreditadas, recibirán mensualmente o setenta e cinco por cento (75%) do salario fixo (total fixo). Estes traballadores percibirán a parte proporcional que lles corresponda nas pagas extraordinarias referidas ó momento da súa percepción.
Os traballadores que leven un ano ou máis no cadro de persoal da empresa e carezan de cargas familiares no momento da súa incorporación a filas, percibirán mensualmente o cincuenta por cneto
(50%) do salario fixo mensual e as catro pagas extraordinarias completas. Os que perciban rateda mensualmente a paga de beneficios, percibirán tamén na proporción que corresponda.
Os traballadores sen cargas familiares acreditados e con tempo de servicio na empresa inferior a un ano no momento da súa incorporación a filas, percibirán soamente a parte proporcional das pagas extraordinarias.
Artigo 13º
Os traballadores que cesen voluntariamente na empresa por motivo de contraeren matrimonio, terán dereito a unha gratificación de tantas mensualidades do total fixo como anos de servicio prestasen na empresa, sen que poidan exceder de oito mensualidades. En caso de fracción anual computarase o exceso proporcionalmente. A empresa poderá esixi-la exhibición do certificado de matrimonio antes de aboar estas cantidades.
Artigo 14º.-Premios de nupcialidade e natalidade.
Os traballadores da empresa concederánselle-los seguintes premios de nupcialidade e natalidade.
Ó contraer matrimonio, quince mil pesetas (15.000).
Polo nacemento de cada fillo, quince mil pesetas (15.000).
Ó traballador deberá acredita-la causa destas percepcións.
Artigo 15º.-Axudas por defunción e xubilación.
O falecemento dun traballador da empresa, esta aboará unha mensualidade por cada ano de servicio ou fracción cun máximo de once mensualidades.
A cantidade correspondente á axuda por falecemento será entregada pola empresa á persoa ou persoas designadas polo traballador e, no seu defecto, haberá que aterse á lexislación vixente.
Á xubilación dun traballador da empresa, esta aboaralle ó traballador unha mensualidade por cada ano de servicio ou fracción, cun máximo de oito mensualidades.
A xubilación será obrigatoria ós sesenta e cinco anos (65) se o traballador ten dereito ó 100% da súa pensión de xubilación.
Artigo 16º.-Fondo de estudios.
A empresa constituirá un fondo de estudios en contía de cento vintecinco mil ptas. (125.000) a fondo perdido, para os traballadores e os seus fillos que cursen estudios de calquera clase, logo de relación destes presentada polos delegados dos traballadores ou outra comisión designada para o efecto coa denominación de fondo de estudios.
As idades dos fillos dos traballadores estarán comprendidas entre os catro e os dezaoito anos, ambos inclusive, e a cantidade estará destinada a facilita-los estudios do traballador e dos seus fillos. Esta cantidade será repartida anualmente no mes de agosto, con criterio fundamentalmente social.
Artigo 17º.-Fondo de anticipos sociais.
Mantense para os empregados da empresa a caixa de anticipos sociais, e o dito fondo establécese para este ano en pesetas seiscentas mil (600.000) anuais.
O valor do crédito solicitado non poderá exceder de trescentas mil pesetas (300.000) e será descontado da nómina do traballador nun prazo máximo de dezaoito meses. Efectuarase o desconto sen xuros. O pagamento farase mediante descontos proporcionais na nómina mensual e nas correspondentes pagas extraordinarias. O desconto será acumulable en caso de liquidación por baixa no cadro de persoal.
A este anticipo terán dereito tódolos empregados da empresa e prevalecerá o criterio de maior atención ós traballadores con menos ingresos e máis cargas familiares.
Para solicitar un préstamo será indispensable ter liquidado completamente outro anterior.
A necesidade deberá xustificarse e explicarse por escrito. Os delegados dos traballadores deberán recibir e visa-las solicitudes que se formulen, que trasladarán de inmediato á dirección da empresa.
Artigo 18º.-Axudas de custo.
Os traballadores da empresa que, por necesidades desta e pola súa orde, efectúen viaxes ou desprazamentos a poboacións distintas ás do centro de traballo, terán dereito á percepción das axudas de custo consonte o seguinte cadro:
Axuda de custo completa: 4.200 ptas.
Almorzo: 350 ptas.
Comida: 2.000 ptas.
Cea: 1.500 ptas.
O gasto do hotel, conforme as características e normas habituais da empresa, xustificarase á parte.
Artigo 19º.-Horas extraordinarias.
A) Horas extraordinarias que veñan esixidas para reparar sinistros ou outros danos extraordinarios e urxentes, así como en caso de risco de perda de materias primas.
B) Horas extraordinarias necesarias por pedidos imprevistos ou períodos punta de producción, ausencias imprevistas, cambios de quenda, ou outras circunstancias de carácter estructural derivadas da natureza da actividade da que se trate: mantemento, sempre que non poidan ser substituídas pola utilización das distintas modalidades de contratación previstas legalmente.
C) A dirección da empresa informará mensualmente os delegados dos traballadores sobre o número de horas extraordinarias realizadas, especificando as causas e distribución por seccións. Así mesmo, en función desta información e os criterios sinalados nos apartados A) e B), a empresa e os delegados dos traballadores determinarán o carácter e natureza das horas extraordinarias, e notificaranllo mensualmente á autoridade laboral para os efectos de dar cumprimento á normativa vixente sobre cotización á Seguridade Social.
A prestación do traballo en horas extraordinarias será voluntaria, e haberá que aterse en todo caso á lexislación vixente.
Artigo 20º.-Seguro de vida.
A empresa manterá en vigor o seguro de vida que actualmente ten concertado en beneficio do seu persoal para o caso de invalidez ou morte.
Artigo 21º.-Diminuídos físicos.
A empresa aboaralles ós traballadores que teñan ascendentes ou descendentes subnormais ou diminuídos físicos de calquera cualificación, que non estean capacitados para o traballo e que convivan con eles e deles dependan economicamente, a cantidade de doce mil (12.000) pesetas mensuais.
Artigo 22º.-Compra de vehículos.
Os traballadores da empresa poderán adquirir vehículos de turismo novos na empresa Turismos Motor, S.A., ó prezo de compra do distribuídor, máis portes e revisións. Para a compra a crédito, poderán acollerse ás mellores normas da entidade financeira.
Os pais, fillos e irmáns do traballador poderán acollerse a este dereito.
Para os vehículos usados considerarase o prezo de taxación mailos gastos de reacondicionamento que precisasen. Os pais, fillos e irmáns tamén poderán acollerse a este dereito. Deste dereito non poderá facerse uso ata dous anos despois de utilizalo.
Artigo 23º.-Vacantes.
Cando na empresa se produzan vacantes para cubrir ou se creen novos postos de traballo, agás os de dirección, terán preferencia para cubrilos os traballadores que xa presten servicios na empresa ou os seus familiares, sempre que estean cualificados para iso.
Os auxiliares admministrativos e os mozos que leven máis de cinco anos na empresa deberán ser ascendidos a oficiais ou a especialistas respectivamente, se existen tales vacantes e, de non ser así, asignaráselle-lo soldo correspondente ás ditas categorías, aínda que conserven a anterior.
Artigo 24º.-Roupa de traballo.
O persoal adscrito a talleres ou a recambios terá dereito a que a empresa lle proporcione cada ano dúas pezas de roupa de traballo e dúas toallas. O mesmo dereito terán tamén os conductores.
Estes artigos entregaránselles para o seu uso durante o mes de xaneiro de cada ano ou ó cursar alta o traballador no cadro de persoal da empresa e destinado ás ditas seccións.
Cando, por razóns de traballo, a roupa se deteriore gravemente, será substituída.
Artigo 25º.-Plus de transporte.
O plus de transporte é de cincocentas cincuenta (550) pesetas por día efectivo de traballo.
Artigo 26º.-Plus xornada partida.
O plus de xornada partida constitúese de dúas mil cincocentas pesetas (2.500) mensualmente para percibir durante os meses de xaneiro, febreiro, mar
zo, abril, maio, setembro, outubro, novembro e decembro, sempre que o traballador non utilice vehículo da empresa para o seu traballo.
Artigo 27º.-Plus de reténs de xornada.
Establécese en oitocentas pesetas (800) diarias para tódolos traballadores durante os meses de xuño, xullo e agosto, por día efectivo de traballo. Os viaxantes non percibirán este plus dadas as carácterísticas do seu traballo.
Artigo 28º.-Delegado dos traballadores.
En canto ós dereitos e obrigacións dos delegados dos traballadores, as partes axustaranse en todo ó establecido no Estatuto dos traballadores, Lei orgánica de liberdade sindical e demais lexislación vixente en cada momento.
Artigo 29º.-Salarios.
Para o ano mil novecentos noventa e cinco e con vixencia desde o día un de xaneiro, establécese un incremento salarial en contía de tres mil pesetas para aplicar sobre o soldo convenio ou linealmente a tódolos traballadores, resultando a táboa anexa asinada polas partes. Así mesmo, increméntase a mellora voluntaria en mil pesetas lineais a tódolos traballadores da empresa. Para o ano mil novecentos noventa e seis establécese un aumento de dúas mil pesetas en soldo convenio e de dúas mil cincocentas pesetas en mellora voluntaria, ambos lineais e a tódolos empregados da empresa. O plus de transporte incrementarase en cincuenta pesetas por día efectivo de traballo.
Artigo 30º.-Normas suplementarias.
En todo o non previsto no presente convenio haberá que aterse ó disposto na lexislación especial e ás normas supletorias deste convenio que existen na empresa.
Artigo 31º.-Comisión mixta.
A comisión mixta será un órgano de interpretación, arbitraxe e vixilancia do cumprimento deste convenio nas seguintes funcións específicas:
1. Interpretación do convenio.
2. Vixilancia do cumprimento do pactado.
3. Seguimento da evolución das relacións entre as partes contratantes.
4. Entender previamente en cantas cuestións tendan á maior eficacia práctica deste convenio.
As resolucións adoptadas de mutuo acordo terán carácter vinculante. En caso de dúbida, a comisión poderá elevarlle a consulta á autoridade laboral competente.
A comisión comporase dun pola empresa e un polos traballadores, delegado destes, a comisión dos cales se reunirá ineludiblemente antes de calquera reclamación e en caso de dúbida.
E para que conste, asínase este convenio entre a empresa e os traballadores dela representados polo delegado dos traballadores, en Iñás-Oleiros o vintenove de decembro de mil novecentos noventa e cinco.
ANEXO
Táboa salarial 1995
Categoría Mes Ano
Director 103.929 1.662.864 Xefe de Admón. 102.906 1.646.496 Xefe de vendas 92.944 1.487.104 Xefe almacén recambios 91.846 1.469.536 Mestre taller 87.457 1.399.312 Oficial 1ª 85.985 1.375.760 Oficial 2ª 81.785 1.308.560 Oficial 3ª 77.985 1.247.760 Xefe de contabilidade 91.846 1.469.536 Oficial administrativo 87.443 1.399.088 Auxiliar administrativo 77.985 1.247.760 Aspirante administrativo 74.478 1.191.648 Viaxante 88.039 1.408.624 Dependente 25 anos 87.443 1.399.088 Mozo especializado 76.985 1.231.760 Mozo 76.985 1.231.760
-Excluídos: antigüidade, mellora voluntaria, prima fixa, incentivos e pluses.
Iñás, 29 de decembro de 1995.
Táboa salarial 1996
Categoría Mes Ano
Director 105.929 1.694.864 Xefe de Admón. 104.906 1.678.496 Xefe de vendas 94.944 1.519.104 Xefe almacén recambios 93.846 1.501.536 Mestre taller 89.457 1.431.312 Oficial 1ª 87.985 1.407.760 Oficial 2ª 83.785 1.340.560 Oficial 3ª 79.985 1.279.760 Xefe de contabilidade 93.846 1.501.536 Oficial administrativo 89.443 1.431.088 Auxiliar administrativo 79.985 1.279.760 Aspirante administrativo 76.478 1.223.648 Viaxante 90.039 1.440.624 Dependente 25 anos 89.443 1.431.088 Mozo especializado 78.985 1.263.760 Mozo 78.985 1.263.760
-Excluídos: antigüidade, mellora voluntaria, prima fixa, incentivos e pluses.
Iñás, 29 de decembro de 1995
1938
