DOG 61 do 26/03/1996 - RESOLUCIÓN do 11 de marzo de 1996, da Secretaría Xeral para a Protección Civil e o Medio Ambiente, pola que se anuncia a licitación, polo sistema de concurso público, procedemento aberto, para a contratación do servicio de dous helicópteros destinados a realizar misións de protección civil, prestar axuda médica urxente, salvamento, rescate, vixilancia e transporte sanitario.

VI. ANUNCIOS

DA ADMINISTRACIÓN AUTONÓMICA

CONSELLERÍA DA PRESIDENCIA E ADMINISTRACIÓN PÚBLICA

RESOLUCIÓN do 11 de marzo de 1996, da Secretaría Xeral para a Protección Civil e o Medio Ambiente, pola que se anuncia a licitación, polo sistema de concurso público, procedemento aberto, para a contratación do servicio de dous helicópteros destinados a realizar misións de protección civil, prestar axuda médica urxente, salvamento, rescate, vixilancia e transporte sanitario.

Orzamento máximo: 210.000.000 de pesetas, IVE excluído, por aplicación do artigo 22.4º da Lei 37/1992, do 28 de decembro.

Prazo de execución: do 1-6-1996 ata o 31-5-1997, doce meses.

Fianza provisional: 4.200.000 pesetas.

Fianza definitiva: 8.400.000 pesetas.

Forma de tramitación: ordinaria.

Prazo de presentación de proposicións: deberán presentarse no rexistro xeral da Consellería da Presidencia e Administración Pública, ou nas direccións provinciais correspondentes, antes das 14 horas do vixésimo sexto día natural a partir do seguinte ó da publicación deste concurso no Diario Oficial de Galicia, ou por correo na forma indicada no Art. 100 do Regulamento xeral de contratos do Estado.

Documentación que deben presentar os licitadores:

* No sobre da documentación xeral, a establecida na cláusula 8.3 do prego de cláusulas administrativas.

* No sobre da proposición económica, a establecida na cláusula 8.4 do prego de cláusulas administrativas.

* No sobre das referencias técnicas, a establecida na cláusula 8.5 do prego de cláusulas administrativas.

Clasificación esixida: grupo III, subgrupo 8 e 9, categoría D.

Apertura de proposicións: será realizada pola mesa de contratación nunha das salas de xuntas da Consellería da Presidencia e Administración Pública, edificio administrativo San Caetano, Santiago de Compostela, ás 12 horas do décimo primeiro día natural, que non coincida en sábado ou festivo, a partir do seguinte ó do peche do prazo de presentación de proposicións.

Documentos de interese para os licitadores: o prego de cláusulas adminsitrativas particulares e o de prescricións técnicas estarán a disposición dos licitadores, para o seu exame, durante o prazo de presentación de proposicións, nos días e horas hábiles de oficina, nas dependencias da Secretaría General para la Protección Civil y el Medio Ambiente, rúa Algalia de Arriba, nº 31, Santiago de Compostela.

Anuncios: os anuncios do presente concurso público serán por conta do adxudicatario do contrato.

Santiago de Compostela, 11 de marzo de 1996.

José Luis Aboal García-Tuñón

Secretario xeral para a Protección Civil

e o Medio Ambiente

9601921