A Consellería de Industria e Comercio convoca o seguinte concurso polo procedemento aberto:

Obxecto: realización dos traballos de implantación de programas de control de calidade no Laboratorio de Consumo de Galicia.

Orzamento: catro millóns novecentas cincuenta mil pesetas (4.950.000 pesetas).

Documentos de interese para os licitadores: os pregos de prescricións técnicas e de cláusulas administrativas particulares estarán de manifesto e á disposición dos interesados para o seu exame, durante o prazo de presentación de proposicións en días e horas hábiles de oficina, na Secretaría Xeral da Consellería de Industria e Comercio da Xunta de Galicia, sita en San Caetano, edificio administrativo nº 5 4º piso, Santiago de Compostela.

Presentación de ofertas: as ofertas dirixiranse en calquera dos modos previstos no artigo 100 do Regulamento xeral de contratos do Estado ó Instituto Galego de Consumo da Consellería de Industria e Comercio, sita en Santiago de Compostela, edificio administrativo San Caetano, 5º-4º andar, no prazo de trece días naturais, contados desde o día seguinte ó da publicación deste anuncio no Diario Oficial de Galicia, por tratarse dun expediente de tramitación urxente ó abeiro do disposto no artigo 72 da LCAP.

Apertura de pregos: a apertura de pregos terá lugar no Instituto Galego de Consumo, ás once horas do décimo primeiro día ó da finalización do prazo de presentación de proposicións; se este fose inhábil, posporase ó primeiro día hábil seguinte. Se o día da apertura de proposicións fose sábado, posporase ata o luns seguinte.

Documentos que deben presenta-los licitadores: os indicados na cláusula 7ª do prego de cláusulas administrativas particulares.

Fianza provisional: nesta contratación queda dispensada a prestación da garantía provisional, ó abeiro do disposto no artigo 36.2º da Lei 13/1995, do 18 de maio, de contratos das administracións públicas, por ser de contía inferior a 27.266.208 pesetas.

Prazo de execución: será de nove meses (9) desde o día seguinte á súa sinatura.

O importe deste anuncio correrá por conta do adxudicatario.

Santiago de Compostela,12 de marzo de 1996.

Francisco Gallegos Martínez

Presidente do Instituto Galego de Consumo