Vistas e examinadas as solicitudes dos participantes no concurso para a provisión de postos de traballo vacantes na Administración da Xunta de Galicia convocado pola Orde do 14 de decembro de 1995 (DOG nº 240, do 18 de decembro), esta dirección xeral,
RESOLVE:
Aproba-las relacións de solicitantes admitidos e excluídos no concurso 1/1995.
Ámbalas relacións están expostas nos taboleiros de anuncios da Consellería da Presidencia e Administración Pública, nos das súas delegacións provinciais e oficinas comarcais e na Dirección Xeral da Función Pública.
Os solicitantes excluídos disporán dun prazo de dez días, contados a partir do día seguinte ó da publicación da presente resolución no DOG, para formularen, se é o caso, as alegacións pertinentes.
Os solicitantes que dentro do prazo sinalado non reparen os defectos que motivan a exclusión serán definitivamente excluídos.
Así mesmo, os solicitantes que non figuran na relación de admitidos nin na de excluídos disporán do mesmo prazo para formularen reclamación.
Santiago de Compostela, 13 de marzo de 1996.
Joaquín López-Rúa Soler
Director xeral da Función Pública
96-1957