Obxecto: contratación de asistencia técnica para a confección da cartografía do termo municipal de Culleredo.

Orzamento: 26.000.000 de ptas. (IVE engadido).

Prazo de execución: 6 meses.

Prazo de presentación de proposicións: 26 días naturais contados desde o seguinte ó da última das publicacións do anuncio de licitación (BOP ou DOG), no rexistro xeral do concello en horario de 9 a 13 horas.

Clasificación esixida: grupo I, subgrupo 1, categoría A.

Garantías: provisional 520.000 ptas.; definitiva 1.040.000 ptas.

Apertura de proposicións: terá lugar na Casa do Concello ás doce horas do terceiro día natural seguinte ó remate do prazo de presentación de ofertas, agás que fose sábado ou festivo, tendo lugar o acto, neste caso, o primeiro día hábil seguinte, á mesma hora e lugar.

Gastos: serán por conta do adxudicatario o importe dos anuncios de licitación e tódolos gastos necesarios para a execución do contrato.

Os pregos de cláusulas administrativas e de prescricións técnicas pódense consultar nas dependencias municipais, facilitándoselles copias ós interesados.

Culleredo, 28 de febreiro de 1996.

Julio Sacristán de Diego

Alcalde

1312