Con data 15 de febreiro do 1996 o conselleiro de Política Territorial, Obras Públicas e Vivenda aprobou o proxecto de trazado da obra: acondicionamento da estrada OU-122 Sobradelo-Casaio, clave: N/OU/87.5.

Os bens e dereitos nos que se concreta a declaración de urxente ocupación aparecen recollidos e valorados no citado proxecto.

A competencia para efectua-la declaración de urxente ocupación tena atribuída a Xunta de Galicia en virtude do artigo 2 do Decreto 156/1982, do 15 de decembro, sobre asunción de transferencias en materia de estradas e a súa asignación á Consellería de Política Territorial, Obras Públicas e Vivenda, considerándose xustificada a referida declaración a súa especial incidencia na seguridade vial, contando coa financiación da Unión Europea.

En virtude de todo o exposto e en aplicación do artigo 28.2º do Estatuto de Autonomía de Galicia e dos artigos 10 e 52 da Lei de expropiación forzosa, en relación co previsto no artigo 8 da Lei 25/1988, do 29 de xullo, por proposta do conselleiro de Política Territorial, Obras Públicas e Vivenda, e logo de deliberación do Consello da Xunta de Galicia na súa reunión do día vintenove de febreiro de mil novecentos noventa e seis,

DISPOÑO:

Artigo único.-Declara-la utilidade pública e a urxente ocupación dos bens e dereitos necesarios e que se concretan no expediente administrativo ins

truído, para efectos de expropiación no proxecto de trazado da obra: acondicionamento da estrada OU-122 Sobradelo-Casaio, clave: N/OU/87.5.

Santiago de Compostela, vintenove de de febreiro de mil novecentos noventa e seis.

Manuel Fraga Iribarne

Presidente

José Cuíña Crespo

Conselleiro de Política Territorial, Obras Públicas e Vivenda

96-1623