Visto o texto do acordo adoptado pola comisión paritaria do convenio colectivo do sector da construcción (código nº 3200155) de Ourense, (convenio publicado no BOP nº 125, do 3 de xuño de 1995, DOG nº 114, do 15 de xuño de 1995), con entrada nesta delegación provincial, subscrito o día 13 de

febreiro de 1996, e para dar cumprimento ó establecido no artigo 14 en relación co artigo 13 do referido texto legal, e de conformidade co disposto no artigo 90.2º e 3º, da Lei 8/1980, do 10 de marzo, do Estatuto dos traballadores, texto refundido aprobado por Real decreto 1/1995, do 24 de marzo, Real decreto 1040/1981, do 22 de maio, sobre rexistro e depósitos de convenios colectivos de traballo e Real decreto 2412/1982, do 24 de xullo, sobre traspaso de funcións e servicios da Administración do Estado á Comunidade Autónoma de Galicia, en materia de traballo.

Esta delegación provincial,

ACORDA:

Primeiro.-Ordena-la inscrición do dito acordo no libro rexistro desta delegación provincial, con notificación á comisión paritaria do convenio colectivo mencionado.

Segundo.-Ordena-lo seu depósito no Servicio de Relacións Laborais, Unidade de Mediación, Arbitraxe e Conciliación desta delegación.

Terceiro.-Dispoñe-la súa publicación no Diario Oficial de Galicia e no BOP.

Ourense, 21 de febreiro de 1996.

Manuel López Casas

Delegado provincial de Ourense

Asistentes:

Pola ACO:

Cesáreo Fenrnández Ríos

José Antonio Pérez Fernández

Polas centrais sindicais:

José Antonnio Fernández Iglesias (CIG)

Miguel Pazo Paramos (CIG)

Orencio González García (CIG)

Anxó Vázquez Penedo (CIG)

Anxo Pérez Carballo (CIG)

Emilio A. Relova Quinteiro (UGT)

Armando dos Santos Teixeira (UGT)

Constantino González Pérez (UGT)

Juan Miguel Muñoz Álvarez (UGT)

Rafael López de la Torre (CC.OO)

En Ourense, ás 17 horas do martes 13 de febreiro de 1996, reúnense nos locais da ACO os indicados á marxe, previamente convocados para o efecto, actuando como presidente Juan Miguel Muñoz Álvarez e como secretario Cesáreo Fernández Ríos, e adoptan por unanimidade os seguintes acordos:

Primeiro.-Recoñecer como IPC oficial do ano 1995 o 4,3%.

Segundo.-Fixar, de conformidade co artigo 14 (cláusula de garantía salarial) en relación co artigo 13 (incrementos económicos) do convenio provincial da construcción do pasado ano 1995, para fixar a porcentaxe de revisión no 0,5%, diferencia entre o IPC oficial (4,3%) e o 3,8% pactado no mencionado artigo 14.

Terceiro.-Actualiza-la táboa salarial, aplicando o incremento do 0,5% (4% anual), aprobándoa. A dita táboa, que formará parte integrante da presente acta, consta recollida no anexo I.

Os atrasos de convenio serán aboados polas empresas coa nómica de marzo de 1996.

Cuarto.-Presentar na Delegación Provincial da Consellería de Xustiza, Interior e Relacións Laborais da Xunta de Galicia a presente acta e o seu anexo,

coas súas respectivas copias, e para o seu rexistro, depósito e publicación nosn boletíns e diarios oficiais.

E, non tendo máis asuntos que tratar, ás 18 horas, levántase a sesión, logo da aprobación, por unanimidade, de tódolos acordos e a propia redacción da acta, e unha vez asinada polos señores presidente e secretario.

Rubricado

Convenio Colectivo Provincial de Ourense de Construcción. Axuste salarial sobre o IPC (incremento 0,5%)

1721