En cumprimento do disposto no artigo 4 do Real decreto 873/1977, do 22 de abril, de desenvolvemento da Lei 19/1977, do 1 de abril, e para os efectos previstos neste, faise público que no correspondente servicio desta dirección xeral foron depositados acta de constitución e estatutos da Asociación Labranza, que ten os seguintes ámbitos:
Territorial: Comunidade Autónoma de Galicia.
Profesional: poderán pertencer á devandita asociación todas aquelas persoas físicas e xurídicas que se encontren en calquera das seguintes situacións:
a) Tódolos traballadores que integran o réxime especial agrario por conta propia ou allea.
b) Os titulares dunha explotación agrícola, gandeira ou forestal que os ingresos da unidade familiar proveñan da agricultura polo menos nun 5%.
c) As cooperativas e STAs, que empreguen traballadores de alta no réxime especial agrario e unha das súas funcións sexa a producción.
Asinan a acta de constitución: Gaspar Carrillo Ramos e catro persoas máis.
Santiago de Compostela, 15 de febreiro de 1996.
Juan Pedrosa Vicente
Director xeral de Relacións Laborais
1372