Para os efectos previdos no artigo 9 do Decreto 2617/1966 e no artigo 10 do Decreto 2619/1966, ámbolos dous do 20 de outubro, sométese a información pública a petición de autorización e declaración de utilidade pública da instalación eléctrica 2 L.M.T., 2 CC.TT. e 2 R.B.T. en Cesar e Reirís, coas seguintes características especiais:

Peticionario: Unión Eléctrica-Fenosa, S.A.

Lugar no que se vai establece-la instalación: tramo I - desde a L.M.T. ó C.T. de Requeixada ata o C.T. que se proxecta en Cesar; tramo II - desde o apoio 5 da L.M.T. ó C.T. de Cesar ata o C.T. que se proxecta en Reirís, ámbalas dúas no concello de Caldas de Reis.

Finalidade da instalación: mellora-la subministración eléctrica na zona.

Características principais:

L.M.T. - tramo I - aérea, a 20 kV, de 1.447 m de lonxitude, con conductor tipo LA-56 sobre apoios de formigón. Tramo II - aérea, a 20 kV, de 582 m de lonxitude, con conductor tipo LA-56, sobre apoios de formigón.

C.T. de 50 kVA, en Cesar, relación de transformación 20 kV-398/230 V.

C.T. de 50 kVA, en Reirís, relación de transformación 20 kV-398/230 V.

R.B.T. en Cesar, aérea, de 40 m de lonxitude e conductor tipo R.Z.

R.B.T. en Reirís, aérea, de 260 m de lonxitude e conductor tipo R.Z.

Orzamento: 9.542.914 ptas.

O que se fai público para que poida ser examinado o proxecto da instalación nestas oficinas, sitas na Rúa Nova de Abaixo, nº 2, e formularse contra este as reclamacións, por duplicado, que se consideren oportunas, no prazo de trinta días contados a partir do seguinte ó da publicación desta resolución.

Pontevedra, 18 de xaneiro de 1996.

Ramón Álvarez Abad

Delegado provincial de Pontevedra

95-1266