Visto o expediente incoado nesta delegación provincial a petición de Sestelo y Cía S.A. con domicilio en Ponteareas no que solicita autorización e declaración de utilidade pública para o establecemento dunha instalación eléctrica de media tensión, e cum

pridos os trámites regulamentarios ordenados no capítulo III do Decreto 2617/1966, sobre autorización de instalacións eléctricas, e no capítulo III do regulamento aprobado polo Decreto 2619/1966, sobre expropiación forzosa e sancións en materia de instalacións eléctricas, e de acordo co disposto no Real decreto 2634/1980, sobre transferencias de competencias da Administración do Estado á Xunta de Galicia en materia de industria, esta delegación provincial, resolveu:

Autorizar a Sestelo y Cía S.A. a instalación eléctrica que ten como características principais as seguintes: L.M.T., aérea, a 15/20 kV, de 333 m de lonxitude, con conductor tipo LA-30, sobre apoios de formigón, desde un apoio a carón do C.T. existente de Cortellas ata o novo C.T. que se proxecta en Cortellas-Padróns, concello de Ponteareas.

C.T. de 160 kVA, relación de transformación 15/20 kV-398/230 V.

R.B.T., aérea, de 3.815 m de lonxitude, con conductor tipo R.Z., sobre apoios de formigón.

Declara-la utilidade pública da instalación eléctrica que se autoriza, para os efectos sinalados na Lei 10/1966, sobre expropiación forzosa e sancións en materia de instalacións eléctricas, e no seu regulamento de aplicación do 20 de outubro de 1966.

Esta instalación non poderá entrar en servicio mentres o seu peticionario non conte coa aprobación do proxecto de execución, logo de cumpri-los trámites que se sinalan no capítulo VI do citado Decreto 2617/1966, do 20 de outubro.

Pontevedra, 26 de xaneiro de 1996.

Ramón Álvarez Abad

Delegado provincial de Pontevedra

95-1192