Esta consellería, unha vez cumpridos os trámites administrativos correspondentes, resolveu anunciar,
polo sistema de concurso de procedemento aberto, a redacción do proxecto:
-Centro de ensino primario de 18 unidades en Redondela (Pontevedra).
Orzamento de licitación: 6.403.155 ptas. (seis millóns catrocentas tres mil cento cincuenta e cinco pesetas).
Clasificación requirida: grupo II, subgrupo todos, categoría A.
Prazo de execución: 4 meses.
Exposición de pregos: os pregos de cláusulas administrativas particulares e de cláusulas técnicas estarán de manifesto na Subdirección Xeral de Construccións e Equipamento. Secretaría xeral desta consellería, edificio administrativo 2, San Caetano, Santiago de Compostela, durante o prazo de presentación de proposicións das nove a catorce horas. Os pregos de cláusulas administrativas particulares e técnicas tamén se poderán examinar nas delegacións provinciais de Educación.
Prazo de presentación de proposicións: rematará o vixésimo sexto día natural contado a partir do día seguinte da publicación da presente resolución no Diario Oficial de Galicia.
Lugar de presentación de proposicións: no rexistro xeral desta consellería, edificio administrativo 2, San Caetano, Santiago de Compostela. En canto ás proposicións por correo, observarase o disposto na cláusula 7.2 do prego das administrativas particulares.
Documentación que presentarán os licitadores: a especificada no punto 7 do prego das administrativas particulares.
Exame da documentación: a mesa de contratación cualificará as documentacións presentadas e publicará a continuación no taboleiro de anuncios desta consellería o resultado da devandita cualificación, co fin de que se enmenden, dentro do prazo que se indique, os defectos materiais observados na documentación.
Apertura de proposicións: será realizada pola mesa de contratación ás 12 horas do terceiro día hábil seguinte ó de terminación do prazo, na sala de xuntas desta consellería.
O importe deste anuncio correrá a cargo da empresa adxudicataria.
Santiago de Compostela, 22 de febreiro de 1996.
Juan J. Bértolo Cadenas
Secretario xeral da Consellería de Educación e Ordenación Universitaria
1389