O Xurado Provincial de Clasificación de Montes Veciñais en Man Común de Ourense, na sesión celebrada o día vinte de decembro de mil novecentos noventa e cinco, adoptou o acordo que ten unha parte dispositiva do seguinte teor literal:
Primeiro.
Clasifica-lo monte denominado Outeiro de Moreiras no concello de Allariz (Ourense), de tres héctareas e oitenta áreas de superficie aproximadamente, a favor dos veciños da parroquia de Folgoso, no Concello de Allariz (Ourense), e cos lindeiros descritos no considerando terceiro, como veciñal en man común, en réxime de comunidade xermánica.
Segundo.
Que se proceda á exclusión do citado monte de calquera inventario, catálogo ou rexistro público no que poidan figurar inscritos a favor de persoa ou entidade distinta á que agora se lle asigna a súa pertenza.
Contra esta resolución, que esgota a vía administrativa, poderase interpoñer recurso contencioso administrativo, logo de comunicación á que se refire o artigo 110.3º da Lei 30/1992, do 26 de novembro, de réxime xurídico das administracións públicas e do procedemento administrativo común, no prazo de dous meses perante a Sala do Tribunal Superior de Xustiza de Galicia, contados a partir do día seguinte ó da publicación da presente resolución no Diario Oficial de Galicia.
O que por orde do presidente se fai público no Diario Oficial de Galicia, para xeral coñecemento.
Ourense, 16 de xaneiro de 1996.
José Manuel Baltar Blanco
Secretario do Xurado Provincial de Clasificación
de Montes Veciñais en Man Común de Ourense