De conformidade co disposto polo artigo 59.4ª da Lei do 26 de novembro de 1992 (BOE do 27 de novembro), de réxime xurídico das administracións públicas e do procedemento administrativo común (L.R.X.A.P.) notifícaselles ós denunciados cos datos persoais e último enderezo coñecido que se sinalarán de seguido, as incoacións dos correspondentes expedientes sancionadores acordadas polo delegado provincial da Consellería de Agricultura, Gandería e Montes de Ourense, por presuntas infraccións da Lei de caza 1/1970, do 4 de abril (BOE do 6 de abril) e do seu regulamento, Decreto 506/1971, do 25 de marzo (BOE do 30 de marzo). Así mesmo, designo instructora dos expedientes a María Rosa Rodríguez Cougir quen poderá ser obxecto de recusación en calquera momento da tramitación dos expedientes, cando concorra calquera dos supostos determinados nos artigos 28 e 29 da Lei de réxime xurídico das administracións públicas e do procedemento administrativo común.
Os denunciados disporán dun prazo de quince (15) días hábiles, contados a partir do seguinte ó da publicación desta notificación, para que poidan examina-los expedientes nesta delegación provincial, sita na rúa do Progreso nº 161, entrechán e presenta-los descargos e documentos que consideren convenientes na súa defensa.
De non presentar alegación no prazo fixado e, consonte o Art. 13 do Regulamento 1398/1993, do 4
de agosto, de procedemento para o exercicio da postestade sancionadora, este acordo de iniciación poderá ser considerado proposta de resolución para tódolos efectos.
Este órgano administrativo acordará a terminación do procedemento no suposto de que o interesado recoñeza a súa responsabilidade nos cargos que se lle imputan e proceda, en calquera momento anterior á resolución do procedemento e empregando os impresos normalizados que lle serán facilitados nas oficinas desta delegación provincial ou en calquera outra dependente da Consellería de Agricultura, Gandería e Montes, ó pagamento voluntario da sanción que en cada caso corresponda. Todo iso sen prexuízo da posibilidade que asiste a cada expedientado de formula-los recursos que establece a lexislación aplicable e vixente, e consonte o establecido no Art. 8 do citado regulamento.
O órgano competente para resolve-los sinalados procedementos, por razón de contía, será o delegado provincial da Consellería de Agricultura Gandería e Montes en Ourense, segundo o Art. 12.3º da Lei de réxime xurídico das administracións públicas e do procedemento administrativo común e no Decreto 5/1987, do 14 de xaneiro, da Consellería de Agricultura, Gandería e Montes.
Ourense, 25 de xaneiro de 1996.
Jacobo Gómez-Orellana Rodríguez
Delegado provincial de Ourense
ANEXO
Nº expediente: 63/1994C.
Nome e apelidos do denunciado: Juan Carlos Meijide Rial.
Último enderezo coñecido: r/ Estanislao Núñez, 47-1º Esqda. (Vigo).
Feito denunciado: cazar en época de veda empregando redes.
Precepto infrinxido e sancionador: Art. 48.1º.18 e 48.3º.18 da Lei 1/1970 de caza.
Sanción proposta: 10.500 ptas.
Instructora: Mª Rosa Rodríguez Cougil.
Nº expediente: 64/1994C.
Nome e apelidos do denunciado: Manuel Rodríguez Conde.
Último enderezo coñecido: Caldas de Reis, 1-5º B (Vigo).
Feito denunciado: cazar en época de veda empregando redes.
Precepto infrinxido e sancionador: Art. 48.1º.18 e 48.3º.18 da Lei 1/1970 de caza.
Sanción proposta: 10.500 ptas.
Instructora: Mª Rosa Rodríguez Cougil.
Nº expediente: 67/1994C.
Nome e apelidos do denunciado: Nicanor Pérez Conde.
Último enderezo coñecido: r/ Pego Meogo, 4-2º D (Ourense).
Feito denunciado: empregar cans con fins cinexéticos en lugar non autorizado.
Precepto infrinxido e sancionador: Art. 48.2º.25 da Lei 1/1970 de caza.
Sanción proposta: 3.500 ptas.
Instructora: Mª Rosa Rodríguez Cougil.
Nº expediente: 100/1994C.
Nome e apelidos do denunciado: Arturo Marez Cordeiro.
Último enderezo coñecido: Avda. Bnos. Aires, 150-3º D (Ourense).
Feito denunciado: cazar en época de veda empregando métodos prohibidos.
Precepto infrinxido e sancionador: Art. 48.1º.18 e 48.2º.14 da Lei 1/1970 de caza.
Sanción proposta: 8.500 ptas.
Instructora: Mª Rosa Rodríguez Cougil.
Nº expediente: 74/1994C.
Nome e apelidos do denunciado: Arturo Ojea Fernández.
Último enderezo coñecido: Lugar Rosen-Rairiz de Veita (Ourense).
Feito denunciado: solicitar licencia de caza sen ter pagada unha sanción anterior.
Precepto infrinxido e sancionador: Art. 48.1º.27 da Lei 1/1970 de caza.
Sanción proposta: 5.000 ptas.
Instructora: Mª Rosa Rodríguez Cougil.
Nº expediente: 147/1994C.
Nome e apelidos do denunciado: Antonio Pérez Gómez.
Último enderezo coñecido: Armariz-Nogueira de Ramuín (Ourense).
Feito denunciado: cazar sen permiso de couto.
Precepto infrinxido e sancionador: Art. 48.1º.8 da Lei 1/1970 de caza.
Sanción proposta: 5.000 ptas.
Instructora: Mª Rosa Rodríguez Cougil.
Nº expediente: 148/1994C.
Nome e apelidos do denunciado: Vicente Arias Calvo.
Último enderezo coñecido: Casayo, s/n, Carballeda de Valdeorras (Ourense).
Feito denunciado: cazar carecendo do seguro obrigatorio do cazador.
Precepto infrinxido e sancionador: Art. 48.3º.53 da Lei 1/1970 de caza.
Sanción proposta: 2.000 ptas.
Instructora: Mª Rosa Rodríguez Cougil.
0899